एक्सन फिल्म 'दान्भी' को छायांकन भइरहेको छ।
भारतको कालिम्पोङमा फिल्मको छायांकन भइरहेको हो। फिल्ममा पूजा शर्मा र कुन्साङ बोमजोमले अभिनय गरिरहेका छन्।
रूपेश तामाङको निर्देशनमा तयार भइरहेको फिल्मको तेस्रो सेड्युलको छायांकन भारतमा भइरहेको हो। निर्माण टिमले फिल्मको एक्सनले भरिएको टिजर सार्वजनिक गरिसकेको छ।
एक सातादेखि कालिम्पोङमा रहेकी नायिका शर्माले भनिन्, 'हामीले फिल्मको मुख्य अंशको छायांकन गरिरहेका छौं। अझै एक साता छायांकन सेड्यूल छ।'
फिल्मको टिजर सार्वजनिक भएपनि प्रदर्शन मिति भने तय गरिएको छैन। फिल्ममा पूजा र कुन्साङसँगै किरण श्रेष्ठको अभिनय छ।
यो फिल्ममा देव मगर र अनुप गडालको लगानी छ। फिल्मका कार्यकारी निर्माता पवन राना मगर हुन्। फिल्ममा कमला मल्ल, पन्चबहादुर तामाङ, श्रवण कुमार श्रेष्ठ र जीवन तामाङ सह-निर्माताको रुपमा छन्।
श्री श्रेष्ठको एक्सन निर्देशन रहेको फिल्ममा हरि बहादुर घलेको छायांकन, रविना थापा मगरको कथा, संजोग कुवँर रानाको पटकथा तथा संवाद, अर्जुन पोखरेल, नरेश जोशी र केदार राज नेपालको संगीत, बन्दे प्रसादको सम्पादन, कविराज गहतराज र बाहुल बराइलीको कोरियोग्राफी छ। फिल्मका मुख्य सहाय निर्देशक नवराज शर्मा हुन्।
