त्रिवि शिक्षण अस्पतालका प्राध्यापक एवम् कलेजो प्रत्यारोपण सर्जन डा. रमेशसिंह भण्डारीले 'कसरी भनूँ म' बोलको म्युजिक भिडिओ सार्वजनिक गरेका छन्।
गीतको रचना डा. भण्डारी आफैंले गरेका हुन् भने कम्पोजिसन पनि उनकै हो। उक्त गीतमा प्रदीप जोशीको एरेन्ज छ।
म्युजिक भिडिओको निर्देशन अनिल कुमार मानन्धरले गरेका हुन्।
कलेजो प्रत्यारोपण सर्जन भण्डारी गीत गाउन र गितार बजाउन शौखिन छन्। यसअघि उनले ‘तिम्रो नै माया लाग्छ नि..’ किन होला, मायालु भाका लगायत बोलको म्युजिक भिडिओ सार्वजनिक गरेका थिए।
