अमेरिकाका विभिन्न सहरमा नेपाली कलाकारले दर्शकलाई हँसाएका छन्।
फ्लाई नेपाको आयोजनामा 'अब हाँस्छ अमेरिका' शीर्षकमा कार्यक्रम सम्पन्न गरिएको हो। कार्यक्रममा हास्यकलाकार सन्दिप क्षेत्री, सुमन कार्की, भरतमणी पौडेल, कैलाश कार्की, सुमन कोइराला, मेक्सिम गौडेल (विष्णु प्रसाद पौडेल), साजन श्रेष्ठ र सन्तोष थापाले फेब्रुअरी २४ सम्म अमेरिकाको विभिन्न १४ सहरमा भव्य प्रस्तुती दिएका थिए।
उनीहरूले जनवरी १२ मा नर्थ क्यारोलिना, १५ मा मिचिगन, २० मा न्यूयोर्क, २१ मा कनेक्टीक्युट, २२ मा बोस्टन, २९ मा रोचेस्टर् न्युयोर्क मा प्रस्तुती दिएका थिए। यस्तै फेब्रुअरी २ मा ह्युस्टन, ३ मा डालस टेक्सास, ९ मा लस एन्जल्स, १२ मा सन फ्रान्सिस्को, १६ मा भर्जिनिया, १७ मा ह्यारिसवर्ग पेन्सिलभेनिया, १८ मा बाल्टिमोर, मेरिल्याण्ड र २४ मा कोलम्बस, ओहायोमा आफ्नो धमाकेदार प्रस्तुती दिएका हुन्।
अमेरिकाको हरेक कार्यक्रममा सफलताका साथ सम्पन्न भएको संयोजक विनोद अधिकारीले जानकारी दिए।
'अमेरिकाको पूर्वदेखि पश्चिमसम्म रहनुहुने नेपाली कहाँ हामी पुग्न सफल भयौं। उहाँहरूलाई हसाउन सफल भयौं,' उनले भने।
