बलिउड स्टार सलमान खानको निवास नजिक गोली चलेको छ।
मुम्बई बान्द्रास्थित खानको घरमा शनिबार बिहान ५ बजे गोली चलेको समाचार संस्था जुम टिभी इन्टरटेनमेन्टले उल्लेख गरेको छ।
शनिबार बिहान मोटरसाइकलमा आएका दुई जनाले सडकबाटै सलमान खान बस्ने घरमा गोली चलाएका थिए।
त्यहाँ उनीहरूले पाँच राउन्ड गोली चलाएर फरार भएका थिए। सलमान खानलाई वाइ प्लस श्रेणीको सुरक्षा दिइएको छ। त्यसमा ११ जना प्रहरी खटिने व्यवस्था छ।
तर कडा सुरक्षा व्यवस्थाका बाबजुद मोटरसाइकलमा आएका दुई जनाले सलमान खानको घरलाई निशाना बनाई पाँच राउन्ड गोली चलाएर फरार भएका थिए।
घटना हुँदा सलमान खान सोही घरमा थिए। उनी बसेको भवनको पहिलो तलामा गोली लागेको बताइएको छ।
घटनाबारे मुम्बई प्रहरीले अनुसन्धान गरिरहेको छ। प्रारम्भिक अनुसन्धानमा विदेशी पेस्तोलबाट गोली प्रहार भएको खुलेको छ।
प्रहरीले सिसिटिभी फुटेज केलाएर अनुसन्धान थालेको छ।
