अभिनेत्री केकी अधिकारीको निर्माण एवं शीर्ष अभिनय रहेको फिल्म 'बोक्सीको घर' ले आक्रामक ओपनिङ गरेको छ।
फिल्मले प्रदर्शनको दुई दिनमा देशब्यापी २ करोड १५ लाख रूपैयाँ ग्रस कलेक्सन गरेको वितरक कम्पनी टि फोक फिल्मसले जानकारी दिएको छ। शुक्रबार र शनिबार फिल्मले उक्त कलेक्सन गरेको हो।
शनिबार कुल २५० बढी शोमध्ये १५० बढी शो हाउसफुल भएको वितरक कम्पनीले जनाएको छ। बाँकीमा पनि ८० प्रतिशतभन्दा बढी अकुपेन्सी देखिएको जनाइएको छ।
फिल्मले छिट्टै अन्तर्राष्ट्रिय यात्रा समेत सुरू गर्दैछ। अमेरिका, अस्ट्रेलिया र युरोपका लागि फिल्मको प्रदर्शन अधिकारी बिक्री भइसकेको छ।
'बोक्सीको घर' लाई रंगकर्मी सुलक्षण भारतीले लेखन तथा निर्देशन गरेका हुन्।
फिल्ममा केकीसहित, सुपला सापकोटा, श्वेच्छा राउत, रमा थपलिया, सुष्मा निरौला, सुलक्षण भारती, सबिन बास्तोलालगायत कलाकारहरूको अभिनय छ।
-1715411980.jpg)
