फिल्म 'जनै हराएको मान्छेः सम्बन्धका धागाहरू' को ट्रेलर सार्वजनिक भएको छ। जनै पूर्णिमाको अवसर पारेर शनिबार काठमाडौंमा एक कार्यक्रमबीच ट्रेलर सार्वजनिक गरिएको हो।
ट्रेलरमा आर्थिक अभाव, सम्पन्न बन्ने सपना, त्यसका लागि गर्ने संघर्ष र अन्य पात्रहरूबीचको सम्बन्धको कथा देखाइएको छ।
पारिवारिक कथामा निम्नमध्यम वर्गीय आम नेपालीको कथामा फिल्म बनेको ट्रेलरबाट अनुमान गर्न सकिन्छ। भावनात्मक र सामाजिक यथार्थमा आधारित रहेर फिल्म बनेको देखिन्छ।
हिमाल न्यौपानेले निर्देशन रहेको यो फिल्ममा मुख्य भूमिकामा विजय बराल, केकी अधिकारी, मिरूना मगर र गौरव पहारीलगायत छन्। साथमा सुशांक मैनाली, भोलाराज सापकोटा, रियर राई, तारा शर्मा, भावना खपांगी मगर, रूपेश लामा, सुमन थापालागायतको अभिनय छ।
फिल्मको एसोसियट निर्देशकमा 'प्रेमगीत ३' अभिनेता मनिष राउत छन्।
पेपरक्लिपको ब्यानरमा निर्माण भएको फिल्मको निर्माता कमल न्यौपाने र विमल न्यौपाने हुन्। कार्यकारी निर्मातामा नारायण तिमिसिना, चुडामणि सिवाकोटी, आरके मानन्धर, सिआर बस्नेत, फिलिप डिसी र जेम्स महाराजन छन्।
थानेश्वर गौतम, अर्जुन पोखरेल, एसडी योगी र प्रशान्त सिवाकोटीको संगीत रहेको फिल्ममा नवीन गुरूङको डीओपी र कृष्ण परियारको सिनेमेटोग्राफी छ। फिल्मको कथा, पटकथा र संवाद भानुभक्त ढकालले लेखेका हुन्। अलटाइम ब्लकबस्टर फिल्म 'पूर्णबहादुरको सारंगी' पछि विजय बरालको मुख्य भूमिकामा आउन लागेको यस वर्षको यो पहिलो फिल्म हो।
'जनै हराएको मान्छे: सम्बन्धका धागाहरू' भदौ ६ गते रिलिज हुँदै छ। यसलाई गोविन्द शाहीको काफिया फिल्मसले देशभरका हलमा वितरण गर्दैछ।
भिडिओः
-1754812957.jpeg)
-1746009348.jpg)
