फिल्म 'आ बाट आमा' को छायांकन चितवनमा सुरू भएको छ। बिहीबारदेखि फिल्मको छायांकन सुरू गरिएको हो। त्यसअघि तनहुँको गलेश्वर मन्दिरमा शुभसाइत गरिएको थियो।
आर्या इन्टरटेन्मेन्टको ब्यानरमा निर्माण हुने फिल्मको करिब एक महिना छायांकन चल्नेछ। निर्देशक चन्द्र पन्तका अनुसार चितवन, काठमाडौं र भारतको हैदरावादमा फिल्म खिचिनेछ।
फिल्ममा अभिनेता पल शाह, दक्षिण भारतीय कलाकार प्रदीप रावत, अभिनेत्रीहरू विपना थापा, सिम्रन पन्त, उषा उप्रेतीलगायतको मुख्य अभिनय रहनेछ। 'आ बाट आमा' ले आमा र सन्तानबीचको स्नेह र सम्बन्धको भावनात्मक कथा बोकेको निर्माण पक्षको भनाइ छ।
फिल्मका निर्माता कृष्णप्रसाद सुवेदी, ध्रुव न्यौपाने र प्रकाशजंग कुँवर हुन् भने कार्यकारी निर्माता करण सिंह छन्। छायांकन निर्देशन नवराज उप्रेतीले सम्हालेका छन्।
फिल्म २०८२ फागुन १५ गतेबाट देशभर प्रदर्शनमा आउने घोषणा भइसकेको छ।
-1755241369.jpg)
-1746009348.jpg)
