गत वर्षको सुपरहिट फिल्म 'बोक्सीको घर' टिम नयाँ फिल्म निर्माणको सहकार्यमा जुटेको छ।
अभिनेत्री केकी अधिकारीले 'बोक्सीको घर' टिमसँग पुनः सहकार्य गर्दै नयाँ फिल्म लिएर आउन लागको घोषणा गरेकी हुन्।
केकी र निर्देशक सुलक्षण भारतीको टिमले फिल्म 'पेट्रोल पम्प' निर्माण गर्न लागेको हो।
'बोक्सीको घर रिलिजको समयमा हामीले कुनै इन्ट्रेस्टिङ प्रोजेक्ट र समय मिलेको खण्डमा हामी पुनः सहकार्यमा जुट्ने छौं भनेका थियौं,' केकीले भनिन्, 'त्यो समय अहिले पेट्रोल पम्ममार्फत आएको छ।'
कलाप्रतिको प्रेम, सिनेमाप्रतिको इमानदारी र कथाप्रतिको गहिरो सम्मानले आफूहरूलाई फेरि एकसाथ जोडेको केकीले बताइन्।
'बोक्सीको घर' लाई दर्शकबाट प्राप्त माया, विश्वास र समर्थनले आफूहरूलाई अझ जिम्मेवार बनाएको बताउँदै केकीले त्यसैको प्रेरणाले नयाँ विषय र फरक प्रयास गर्ने हिम्मत जुटेको बताइन्। सोही आत्मा, ऊर्जा र मिहिनेतका साथ नयाँ प्रस्तुति ‘पेट्रोल पम्प’ ल्याउन लागिएको उनको भनाइ छ।
फिल्म 'पेट्रोल पम्प' लाई सुलक्षण भारतीले निर्देशन गर्नेछन्। फिल्ममा कथा पनि निर्देशक सुलक्षणले नै लेखेका छन्। निर्माता भने केकी अधिकारी हुनेछिन्। यसअघिको फिल्म 'बोक्सीको घर' मा पनि लेखक तथा निर्देशक पनि सुलक्षण नै थिए। निर्मातामा केकी थिइन्।
सामाजिक कथानक चफिल्म 'पेट्रोल पम्प' विसं. २०८३ मा रिलिज हुनेछ। फिल्ममा को–को कलाकार हुनेछन् भन्ने निर्माणपक्षले खुलाएका छैन।
'पेट्रोल पम्पमा को–को कलाकार रहनेछन् भने हामी केही समयमा विस्तृत जानकारी दिनेछौं।। प्राविधिक पनि को–को हुनुहुनेछ हामी विस्तारै जानकारी दिँदै जानेछौं,' केकीले भनिन्।
‘बोक्सीको घर’ मा केकी र सुलक्षण दुवैले अभिनय गरेका थिए। केकी मुख्य भूमिकामा थिइन्।
बद्री अधिकारी निर्माता रहेको 'बोक्सीको घर' ले नेपाली बक्सअफिसमा ११ करोड रुपैयाँभन्दा माथि ग्रसकलेक्सन गरेको थियो।
-1746009348.jpg)
