पुस १७ गतेदेखि प्रदर्शनमा आएको फिल्म 'एक्लो-१' को व्यापार कमजोर देखिएको छ। वैज्ञानिक कल्पनामा आधारित फिल्मले १० दिनमा ४३ लाख २५ हजार ४९४ रूपैयाँ ग्रस कमाइ गरेको हो।
फिल्मले गत शनिबार (पुस २६) सम्म सिनेपाः बक्सअफिसमा उक्त कमाइ गरेको हो।
यो अवधिमा फिल्मको १३ हजार ११ वटा टिकट बिक्री भएको चलचित्र विकास बोर्डले सार्वजनिक गरेको विवरणमा उल्लेख छ।
प्रदीप शाहीको निर्देशनमा बनेको 'एक्लो-१' मा विजय लामा, कविता नेपाली, जेमी बेकन, प्रदीप खड्का, बेनिशा हमाल, सुरज सिंह ठकुरी, एभोन राज उप्रेती, दीया पुन, सुनिल थापा, दिनेश डीसीलगायत कलाकारहरूको अभिनय छ।
फिल्म दोस्रो सातामा प्रदर्शनरत छ।
-1746009348.jpg)
