चन्द्र पन्त निर्देशित फिल्म 'आबाट आमा' २०८२ सालको दोस्रो सर्वाधिक धेरै कमाउने नेपाली फिल्म बनेको छ।
गत शनिबार (फागुन २३) सम्म फिल्मले सिनेपाः बक्सअफिसमा १२ करोड ६६ लाख ९० हजार रूपैयाँ ग्रस कमाएको हो।
उक्त कमाइ हुँदा फिल्मको ४ लाख ८२ हजारभन्दा बढी टिकट बिक्री भएको चलचित्र विकास बोर्डले सार्वजनिक गरेको विवरणमा उल्लेख छ।
'आबाट आमा' अनमोल केसी स्टारर 'जेरी अन टप' को कमाइलाई उछिन्दै यस वर्षको दोस्रो सर्वाधिक कमाउने नेपाली फिल्म बनेको हो। 'जेरी अन टप' ले १२ करोड २६ लाख रूपैयाँ कमाएको थियो।
'आबाट आमा' भावनात्मक पारिवारिक कथामा आधारित फिल्म हो। माघ १६ गतेदेखि प्रदर्शनमा आएको फिल्ममा पल शाह, विपना थापा, प्रदीप रावत, सिम्रन पन्त, साइग्रेस पोखरेल, उषा उप्रेतीलगायत कलाकारहरूको अभिनय छ।
'आबाट आमा' सुपरहिट भएसँगै 'आबाट आमा २' को समेत निर्माण घोषणा भइसकेको छ।
यस वर्ष सर्वाधिक कमाउने नेपाली फिल्म भने 'परान' हो। यसले १७ करोड ८४ लाख रूपैयाँभन्दा धेरै कमाएको छ।
-1746009348.jpg)
