मल्टिस्टारर फिल्म 'पाँच पाण्डव'को फर्स्टलुक सार्वजनिक गरिएको छ। निर्माण पक्षले बिहीबार सार्वजनिक गरेको पोस्टरमा फिल्मका मुख्य पाँच कलाकारलाई महाभारतका पाँच पाण्डवको चरित्रमा प्रस्तुत गरिएको छ।
पोस्टरमा हरिवंश आचार्य युधिष्ठिर, जितु नेपाल भीम, आर्यन सिग्देल अर्जुन, महेश त्रिपाठी नकुल र सुशील सिटौला सहदेवको भूमिकामा देखिएका छन्। घोडाले तानेको आकर्षक बग्गीमा पाँचै कलाकारलाई प्रस्तुत गरिएको पोस्टरले उनीहरूको चरित्रसमेत खुलाएको छ।
निर्देशक वसन्त निरौलाका अनुसार पोस्टरमार्फत पाँच मुख्य पात्रको लुक्स र चरित्र सार्वजनिक गरिएको हो।
'हामीले सार्वजनिक गरेको पोस्टर दर्शकले रूचाउनुहुनेछ भन्ने अपेक्षा छ। क्यारेक्टर रिभिल गरेका छौं। यी पात्र र लुक्स दर्शकमाझ चाँडै लोकप्रिय हुने र फिल्मप्रतिको प्रतीक्षा बढ्ने विश्वास छ,’ उनले भने।
सुशील पौडेलको लेखन रहेको फिल्मलाई निर्माण पक्षले सोसल ड्रामा भनेको छ। महाभारतका पाँच पाण्डवका चरित्र र विम्बलाई आधार बनाएर समकालीन नेपाली समाजको कथा प्रस्तुत गरिएको लेखक पौडेलले बताएका छन्।
काली रानी फिल्मस्को ब्यानरमा निर्माण भएको फिल्ममा हरिवंश आचार्य, जितु नेपाल, आर्यन सिग्देल, महेश त्रिपाठी र सुशील सिटौलासँगै दीपाश्री निरौला, सरिता गिरी, इिभा गिरी, सीता न्यौपाने, वनोद न्यौपाने, रमा थपलिया, प्रशान्त ताम्राकारलगायत कलाकारको अभिनय छ।
नवीन श्रेष्ठ प्रस्तुतकर्ता रहेको फिल्मको निर्माता काली रानी श्रेष्ठ हुन्। फिल्मको पोस्ट प्रोडक्सनको काम अन्तिम चरणमा पुगेको छ। निर्माण पक्षका अनुसार फिल्मको सम्पूर्ण ध्वनि डल्बी एटमसमा तयार गरिएको छ। यो फिल्मलाई श्याम तामाङले खिचेका हुन् भने सुप्रिम पराजुलीको सम्पादन छ।
'पाँच पाण्डव' कात्तिक २० गते ९नोभेम्बर ६०देखि प्रदर्शनमा आउनेछ।
फिल्मलाई रोहित कट्टेल र रत्न श्रेष्ठको आरआर फिल्म्सले देशव्यापी वितरण गर्नेछ।
-1788334994.jpg)
.JPG)
-1746009348.jpg)
