बलिउड अभिनेता सलमान खानको फिल्म 'सिकन्दर' ओटिटी प्लेटर्फममा रिलिज हुने भएको छ।
यो फिल्म २५ मेमा ओटिटी प्लेटफर्म नेटफ्लिक्समा रिलिज हुनेछ। भारतीय सञ्चारमाध्यम नवभारत टाइम्सका अनुसार 'सिकन्दर' रिलिजअघि मेकर्सले ८५ करोड भारूमा बेचेका थिए।
यो फिल्मले भारतीय बक्स अफिसमा ११० करोड ३६ लाख भारू कमाएको थियो भने विश्वभरबाट १८४ करोड ८९ लाख भारू कमाएको थियो। 'सिकन्दर' को बजेट २०० करोड भारू बताइएको छ।
एआर मुरुगादास निर्देशित फिल्ममा सलमान खान र रश्मिका मन्दनाको मुख्य भूमिका छ। फिल्ममा सलमान र रश्मिकासँगै काजल अग्रवाल, शरमन जोशी, प्रतिक बब्बर, किशोर, जतिन सरना, सञ्जय कपूरलगायत कलाकारको अभिनय छ।
