वरिष्ठ कन्नड अभिनेता 'मैसुरू' श्रीकान्तय उमेशको ८० वर्षको उमेरमा निधन भएको छ।
लामो समयदेखि क्यान्सरबाट पीडित उमेशको भारतको बेंगलुरूको एक अस्पतालमा उपचारका क्रममा आइतबार निधन भएको हो।
सन् १९४५ अप्रिल २४ मा मैसुरूमा जन्मिएका उमेशले ४ वर्षको कलिलो उमेरबाटै नाटक मार्फत अभिनय यात्रा सुरू गरेका थिए। पाँच दशक लामो फिल्मी करिअरमा उनले ३५० भन्दा बढी फिल्ममा अभिनय गरेका छन्।
सन् १९६० मा 'मक्काला राज्य' फिल्मबाट मुख्य भूमिकामा डेब्यु गरेका उनले केही समयको अन्तरालपछि सन् १९७७ को 'कथा संगमा' मार्फत ठूलो सफलता हात पारेका थिए।
उनका 'नागर होले', 'गुरू शिष्यरू' र 'वेंकटा इन संकटा' जस्ता फिल्महरू चर्चित छन्।
-1746009348.jpg)
