दक्षिण भारतीय अभिनेता थलापति विजयको आगामी फिल्म 'जन नायकन' रिलिजअघि कानुनी झमेलामा परेको छ।
यही शुक्रबार (जनवरी ९) देखि प्रदर्शनमा आउने तयारीमा रहेको फिल्म रिलिज हुनुअघि अप्रत्याशित कानुनी झमेलामा परेपछि निर्माताले मन्द्रास उच्च अदालतको सहारा लिन पुगेका छन्।
भारतको फिल्म सेन्सर बोर्डले प्रमाणपत्र जारी गर्नुअघि नै पुनः समीक्षा गर्न थालेपछि निर्माताले अदालतको सहारा लिनुपरेको भारतीय संचारमाध्यम बलिउड हंगामाले जनाएको छ।
निर्माताका अनुसार सेन्सरको प्रारम्भिक समीक्षा समितिले फिल्मको समीक्षा पूरा गरी बालबालिकाले अभिभावनको साथमा हेर्नेपर्ने गरी सर्टिफिकेट दिने सिफारिस गरिसकेको थियो। यस क्रममा हिंसा, लडाइँका दृश्य, क्रुर दृश्य र धार्मिक भावना सम्बन्धित कुरालाई ध्यानमा राखिएको थियो। समितिले केही कट र संशोधनको सुझाव दिएको थियो। जुन निर्माताले पूरै पालना गरेको दाबी गरेका छन्।
सर्टिफिकेशनको आवेदन डिसेम्बर १८, २०२५ मा बुझाइएको थियो र संशोधित फिल्म डिसेम्बर २४ मा पुनः पेश गरिएको थियो।
तर जनवरी ५, २०२६ मा अप्रत्याशित रूपमा निर्माताले फिल्मलाई पुनरावलोकन समितिमा पठाइएको सूचना पाए।
फिल्मको जाँच गर्ने सरकारी निमायले धार्मिक भावना र सशस्त्र बलको प्रतिकृति सम्बन्धी उजुरी आएको बताएको छ। प्रमाणपत्र प्रक्रिया पूरा भइसकेको अवस्थामा कुनै अज्ञात उजुरीका आधारमा पुनः समीगा गर्नु उचित नभएको निर्माताले अदालतमा दाबी गरेका छन्।
निर्माताले अदालतलाई फिल्मको व्यापारिक महत्व अत्यधिक रहेको बताएका छन्। अब सरकारी निकायले जवाफ पेश गर्न समय मागेको छ। अदालतले सुनुवाइ जनवरी ८ (बिहीबार)सम्म स्थगित गरेको छ।
यो फिल्म लगभग ५०० करोड रूपैयाँ लगानी र विश्वभर ५,००० भन्दा बढी स्क्रिनमा प्रदर्शन हुने तयारी छ। एच. विनोथ निर्देशित 'जन नायकन' केभीएन प्रोडक्सनले निर्माण गरेको हो। फिल्ममा विजयसहित बबी देओल, पूजा हेगडे, ममिता बैजु, गौतम वासुदेव मेनन, प्रकाश राज, प्रियामणिलगायत कलाकारहरूको अभिनय छ।
हिन्दीमा यो फिल्म 'जन नेता' शीर्षकमा प्रदर्शनमा आउने तयारी छ।
-1756446574.jpg)
-1746009348.jpg)
