भारतीय अभिनेता अक्षय कुमारको हरर कमेडी फिल्म 'भूत बंगला' को रिलिज मिति घोषणा गरिएको छ।
प्रियदर्शन निर्देशित फिल्म सन् २०२६ को मे १५ (बैशाख ३१) मा सिनेमा हलमा आउने भएको हो।
निर्माताले बिहीबार सामाजिक सञ्जालमा दुई पोस्टर सार्वजनिक गर्दै प्रदर्शन मिति घोषणा गरेका हुन्। यो फिल्म पहिले अप्रिल २ मा रिलिज हुने तय थियो। तर यो मितिबाट पछि सारेर मे १५ मा आउने घोषणा गरेका हुन्।
अन्य ठूला फिल्मसँग भिड्नबाट जोगिन र फिल्मलाई राम्रो व्यापारको मौका दिनका लागि नयाँ प्रदर्शन मिति घोषणा गरिएको बताइएको छ।
डर र हाँसोको मिश्रण प्रस्तुत गर्ने फिल्ममा अक्षयसहित तबु, परेश रावल, राजपाल यादव, जिशु सेनगुप्ता, असरानी र वामिका गब्बीलगायत कलाकारहरूको अभिनय छ।
'भूत बंगला' को निर्माण शोभा कपूर, एकता आर कपूरको बालाजी टेलिफिल्म्स र अक्षय कुमारको प्रोडक्सन हाउस, केप अफ गुड फिल्म्सद्वारा गरिएको हो। फरा शेख र वेदान्त बालीले फिल्मको सह-निर्माण गरेका हुन्।
-1756446574.jpg)
-1746009348.jpg)
