भारतीय वार-ड्रामा 'बोर्डर' को सिक्वेल 'बोर्डर २' को ट्रेलर सार्वजनिक भएको छ। बिहीबार टी-सिरिजको युट्युबमार्फत ३ मिनेट ३५ सेकेण्ड अवधिको ट्रेलर सार्वजनिक भएको हो।
फिल्मको ट्रेलरमा सेनाको साहस, बलिदान र राष्ट्रप्रेमलाई भावनात्मक र भव्य तरिकाले प्रस्तुत गरिएको छ।
अनुराग सिंह निर्देशित 'बोर्डर २' मा सनी देओल, वरूण धवन, दिलजीत दोसाँझ, अहान सेट्टी, मोना सिंह, सोनम बाजवा, अन्या सिंहलगायत कलाकारहरूको अभिनय छ।
ट्रेलरअनुसार फिल्ममा सीमा क्षेत्रमा हुने तनाव, सैनिकहरूको व्यक्तिगत संघर्ष र देशका लागि ज्यान अर्पण गर्न तयार भावनालाई केन्द्रमा राखिएको छ।
सन् १९९७ मा रिलिज 'बोर्डर' ले बक्स अफिसमा राम्रो व्यापार गरेको थियो। भारतीय सिनेमामा देशभक्ती फिल्मको नयाँ आयाम दिएको उक्त फिल्म रिलिजको झन्डै २८ वर्षपछि यसको सिक्वेल आउन लागेको हो।
गुलशन कुमार, टी–सिरीज र जेपी फिल्म्सको प्रस्तुति रहेको 'बोर्डर २' सन् २०२६ जनवरी २३ देखि प्रदर्शनमा आउने तयारीमा छ।
-1746009348.jpg)
