दक्षिण भारतीय अभिनेता धनुष र बलिउड अभिनेत्री मृणाल ठाकुर पछिल्लो समय प्रेम सम्बन्धका हल्लाका कारण बढी चर्चामा छन्। यी दुईबीच छिट्टै विवाह हुँदैछ भन्ने हल्ला समेत पछिल्लो समय फैलिएको छ। धनुष र मृणालले भ्यालेन्टाइन डेमा विवाह गर्दैछन् भनेर सामाजिक सञ्जालमा हल्ला फैलिएको हो।
यद्यपि, यो हल्लामात्र भएको भारतीय मनोरञ्जन वेबसाइट बलिउड हंगामाले जनाएको छ।
बलिउड हंगामाले धनुषका नजिकका साथीलाई उद्धित गर्दै उक्त खबर पूर्ण रूपमा निराधार रहेको जनाएको हो। धनुषका नजिकका साथीले भनेका छन्, 'धनुष र मृणाल ठाकुरबीच विवाहको कुरा पूर्ण रूपमा बनावटी हो। यस्तो कुनै योजना छैन र धनुषले कसैसँग पनि यस विषयमा कुरा गरेका छैनन्।'
रिपोर्टअनुसार धनुष हाल आफ्नो काम र परिवारमै केन्द्रित छन्। रिपोर्टमा धनुष र मृणाल ठाकुरबीच राम्रो मित्रता रहेको स्वीकार गरिए पनि त्यसलाई विवाहसँग जोड्नु गलत भएको उल्लेख गरिएको छ। बलिउड हंगामाले स्रोतलाई उद्धित गर्दै लेखेको छ, 'कलाकारबीचको मित्रतालाई आधार बनाएर विवाहको निष्कर्ष निकाल्नु अनुचित हो।'
धनुष र मृणालले भने विवाहसम्बन्धि हल्लाबारे औपचारिक प्रतिक्रिया दिएका छैनन्। फिल्म 'सन अफ सरदार २' को प्रिमियरमा सँगै देखिएपछि र सोसल मिडियामा एकअर्काका पोस्टमा कमेन्ट गरेपछि अभिनेता धनुषसँग मृणालको नाम जोडिएको थियो।
इन्स्टाग्राममा धनुषका दिदीबहिनीहरूलाई मृणालले फलो गरेको कुराले चर्चालाई अझ बढाएको थियो।
-1746009348.jpg)
