टिभी सिरियल 'जुठे' यससाता प्रसारणमा आएन। यो सिरियल हरेक बुधबार दर्शकमाझ आउने गरेको थियो। यसको युट्युब राइट्स लिएको ओएसआर डिजिटलका अनुसार प्राविधिक कारणवश पछिल्लो एपिसोड प्रसारण नभएको हो।
ओएसआरले एक सूचनामार्फत सिरियल आगामी हप्तादेखि नियमित प्रसारण हुने जानकारी दिएको छ।
'आगामी हप्तादेखि उक्त सिरियल सधैंझैं निर्धारित समयमै नियमित रूपमा प्रशारण हुने जानकारी गराउँदछौं। यहाँहरूको निरन्तर माया, विश्वास र साथप्रति हामी हार्दिक धन्यवाद ज्ञापन गर्दछौं', ओएसआरले भनेको छ।
मरिचमान श्रेष्ठ (बल्छी ध्रुर्वे) को लेखन तथा निर्देशन रहेको 'जुठे' दर्शकमाझ रूचाइएको सिरियल हो।
अहिले मरिचमान फिल्म निर्देशनमा समेत डेब्यु गरेका छन्। उनी निर्देशित तथा अभिनीत 'गोबर गणेश' यतिबेला देशभरका सिनेमा हलहरूमा प्रदर्शन भइरहेको छ।
-1746009348.jpg)
