बलिउड अभिनेता तथा निर्माता आमिर खानले आफ्नो निर्माणमा बनिरहेको फिल्म 'लाहोर १९४७' को शीर्षक परिवर्तन भएको चर्चा हल्लामात्र भएको बताएका छन्।
पछिल्ला केही दिनदेखि सामाजिक सञ्जाल र केही मिडियामा फिल्मको नाम 'बटवारा १९४७' राखिएको भन्ने हल्ला चलेपछि उनले स्पष्ट प्रतिक्रिया दिएका हुन्।
एक अन्तरवार्तामा आमिर खानले यस्तो हल्लाबारे प्रतिक्रिया दिँदै फिल्मको शीर्षक परिवर्तन नभएको स्पष्ट पारे। उनले भने, 'यो कुरा कहाँबाट आयोरु हाम्रो फिल्मको शीर्षक परिवर्तन भएको छैन। अहिले पनि यसको नाम 'लाहोर १९४७' नै हो।'
प्रख्यात निर्देशक राजकुमार सन्तोषी निर्देशित 'लाहोर १९४७' मा सनी देओल मुख्य भूमिकामा देखिँदैछन्। सनी र राजकुमार जोडीले यसअघि घायल, दामिनी र घटक जस्ता सफल फिल्महरू दिइसकेका छन्। यस कारणले गर्दा यस फिल्मबाट दर्शकहरूको उच्च अपेक्षा छ।
फिल्ममा प्रीति जिन्टा, शबाना आजमी, अली फजललगायत कलाकारहरूलाई समेत दर्शकले हेर्न पाउनेछन्।
फिल्म सन् १९४७ को भारत विभाजनको पृष्ठभूमिमा आधारित कथा हो। यसको प्रदर्शन अगस्ट १३, २०२६ मा हुने बताइएको छ।
-1746009348.jpg)
