भारतीय अभिनेता आमिर खानको फिल्म 'सितारे जमीन पर' ओटिटी प्लेटफर्ममा रिलिज भएको छ।
निर्माता तथा शीर्ष अभिनेता रहेका आमिरले पहिले यो फिल्म ओटिटीमा रिलिज नहुने घोषणा गरेका थिए। थिएटर रिलिज भएको लभगभ ८ महिनापछि 'सितारे जमीन पर' अन्ततः ओटिटी प्लेटफर्ममा आउन लागेको हो।
फिल्म रिलिजका क्रममा आमिरले ‘सितारे जमीन पर’ ओटिटीमा नल्याउने स्पष्ट बताएका थिए। त्यसबेला उनले फिल्मलाई ओटिटीमा नभई आफ्नै युट्युब च्यानलमार्फत पे पर भ्यू मोडलमा दर्शकमाझ ल्याउने योजना सार्वजनिक गरेका थिए। सोहीअनुसार फिल्म केही समयपछि युट्युबमार्फत शुल्क तिरेर हेर्न सकिने व्यवस्था समेत गरिएको थियो। तर अहिले भने आमिर उक्त निर्णयबाट पछि हटेको देखिएको छ।
सोनीलिभले सामाजिक सञ्जालमा एक पोस्ट राख्दै फिल्म छिट्टै आफ्नो प्लेटफर्ममा स्ट्रिमिङ हुने तयारीमा रहेको जनाएको छ।
प्रसन्न आर.एसको निर्देशनमा बनेको 'सितारे जमीन पर' मा आमिरसँगै जेनेलिया देशमुख मुख्य भूमिकामा छन्। साथमा आरूष दत्त, गोपी कृष्णन वर्मा, वेदान्त शर्मा, नमन मिश्रा, ऋषि शाहानीलगायत कलाकारहरूको अभिनय छ।
'सितारे जमीन पर' जुन २०, २०२५ मा रिलिज भएको थियो। यसले विश्वभर २६६ करोड भारू कमाएको थियो।
खेलकुद तथा कमेडी-ड्रामा शैलीमा बनेको फिल्मको कथा न्यूरोडाइभर्जेन्ट युवाहरूको समूहलाई बास्केटबल सिकाउन बाध्य बनाइएका एक प्रशिक्षकको वरिपरि घुम्छ।
-1746009348.jpg)
