बलिउड तथा दक्षिण भारतीय फिल्मकी चर्चित अभिनेत्री हंसिका मोटवानीले आफ्नो वैवाहिक सम्बन्ध टुंग्याएकी छिन्।
हंसिका र उनका पति व्यवसायी सोहेल खतुरियाबीच औपचारिक रूपमा सम्बन्ध विच्छेद भएको हो।
दुवैले आपसी सहमतिमा मुम्बईको परिवार अदालतबाट हालै डिभोर्स लिएका हुन्। भारतीय संचारमाध्यमका अनुसार अभिनेत्री हंसिकाले सम्बन्धविच्छेदको क्रममा कुनै भरणपोषण रकम वा सम्पत्ति दाबी गरिनन्।
हंसिका र सोहेलले सन् २०२२ मा विवाह गरेका थिए। विवाहपछि केही समयमै उनीहरूको सम्बन्धमा दरार आएको चर्चा सुरू भएको थियो। दुवै सन् २०२४ देखि छुट्टाछुट्टै बस्न थालेका थिए। त्यसपछि उनीहरूले आपसी छलफलबाट विवाह अन्त्य गर्ने निर्णय गरे र अदालतमा आपसी सम्बन्ध विच्छेदको लागि निवेदन दिए।
पारिवारिक अदालतले दुवै पक्षको सहमतिलाई ध्यानमा राख्दै सम्बन्ध विच्छेदको निवेदन स्वीकृत गर्यो।
डिभोर्सपछि हंसिकाले सामाजिक सञ्जालमा एक सन्देश समेत पोस्ट गरेकी छन्। दुवैले डिभोर्सबारे विस्तृत धारणा भने सार्वजनिक गरेका छैनन्।
-1746009348.jpg)
