काठमाडौंको बत्तीसपुतलीस्थित शिल्पी नाटकघरमा नाटक 'साविती'को मञ्चन भएको छ।
साहित्यकार जगदीश घिमिरेको उपन्यास 'साविती'मा आधारित नाटकलाई थिएटर भिलेजले विमल सुवेदीको निर्देशनमा प्रस्तुत गरेको हो। .
नाटक सावितीमा भारतीय रंगकर्मी अनुराधा मजुमदारको साथमा सुजन वली र साजन सुनुवारको बेजोड अभिनय रहेको थियो।
नाटकलाई नेपाली रूपान्तरण विमल सुवेदी र सुरज सुवेदीले गरेका हुन्।
'धेरै पहिला लेखिएको भए पनि 'साविती' कथाले समाजमा विद्यमान विविध विसंगतिको असली स्वरूप देखाउँछ। नेपाली रंगमञ्चमा धेरैजसो विदेशी नाटकको अनुवाद मात्र गरिने हुँदा थिएटर भिलेजले नेपाली नाटक तथा साहित्यलाई अन्तर्राष्ट्रिय स्तरमा लैजाने आफ्नो उद्देश्य अनुरूप पहिलो कदमका रूपमा यसै नाटक मञ्चन गर्ने संकल्प गरेका थियौं,' निर्देशक सुवेदीले भने।
नाटकमा जेनी सुनुवारको सह-निर्देशन रहेको थियो ।
1656910524.jpg)
