बजारमा केराको मूल्य घटेको छ। कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
बुधबार कालीमाटी बजारमा केरा प्रतिदर्जन एक सय १५ देखि एक सय २५ रूपैयाँमा कारोबार भएको छ।
एक साताअघिको तुलनामा यो २० रूपैयाँसम्म न्यून हो
गत साता बुधबार कालीमाटी बजारमा केरा प्रतिदर्जन एक सय ३५ देखि एक सय ४५ रूपैयाँमा कारोबार भएको थियो।
स्वदेशी उत्पादन बजारमा आएसँगै मूल्य घट्न थालेको व्यवसायीहरूले बताएका छन्।
अहिले बजारमा जी–९ तथा मालभोग जातका केरा आइरहेका छन्। जी–९ को तुलनामा मालभोग केराको कोसा सानो हुने भएकाले मूल्य सस्तो समेत हुन्छ।
केरामा फाइबर, भिटामिन, मिनरल्स लगायतका पौष्टिक तत्व पाइन्छ।
-1746009348.jpg)
