बजारमा केराको मूल्य बढेको छ। केरा आयात नहुँदा मूल्य बढेको नेपाल फलफूल थोक व्यवसायी संघ, काठमाडौंका उपाध्यक्ष मेघनाथ चौलागाईंले जानकारी दिए।
‘अहिले केरा आयात गर्न नपाइने नीति छ। स्वदेशी उत्पादन निकै कम छ,’ उनले भने, ‘त्यसैले मूल्य बढेको हो।’
उनका अनुसार बजारमा केराको मूल्य बढेको साता/दस दिन भयो। अहिले बजारमा केराको होलसेल मूल्य २ सय ५० रूपैयाँसम्म पुगेको छ। यसअघि एक सय ५० रूपैयाँसम्म थियो।
केराको मुख्य सिजन असार साउन हो। पुस, माघ, फागुनलाई केराको अफ सिजन मानिन्छ।
अफ सिजन भएपनि चिसोका कारण केराको उपभोग न्यून मात्रामा मात्रै हुने भएकाले अघिल्ला वर्षहरूमा यो समयमा मूल्य घट्थ्यो। तर यो वर्ष भारतीय केरा आयात गर्न नदिँदा माग नहुँदा पनि केराको मूल्य बढेको व्यवसायीहरु बताउँछन्।
कालीमाटी फलफूल तरकारी बजार विकास समितिको मूल्य सूची हेर्दा सोमबार केरा प्रतिदर्जन होलसेल मूल्य एक सय ८० देखि २ सय रूपैयाँमा कारोबार भइरहेको छ।
-1763886130.jpeg)
-1746009348.jpg)
