१८ वर्षदेखि मेटलाइफमा जोडिएका निर्मलकाजी श्रेष्ठ हाल महाप्रबन्धक तथा उपाध्यक्ष छन्। बहुराष्ट्रिय बीमा कम्पनी मेटलाइफकै विभिन्न विभागमा काम गर्दै आएका श्रेष्ठसँग होटल, एयरलाइन्स क्षेत्रमा काम गरेको अभुनव पनि छन्।
श्रेष्ठसँग नेपाली बीमाको बजार, सम्भावना लगायतका विषयमा रहेर गरिएको कुराकानीको सम्पादित अंश:
मेटलाइफ नेपालले के कस्ता बीमा योजनाहरु दिइरहेको छ?
१५२ वर्षको इतिहाससहित ४० भन्दा बढी देशहरुमा सेवा पुर्याइरहेको बीमा कम्पनी हो मेटलाईफ। यो अनुभवलाई नेपालको बीमा बजारमा प्रयोग गरिरहेका छौ।
नेपालमा सन् २००१ बाट नेपालमा प्रवेश गरेको मेटलाइफले जीवन बीमा, दुर्घटना बीमा, स्वास्थ्य बीमा, क्रेडिट र सामूहिक बीमा जस्ता योजनाहरु एजेन्सी, बैंकासुरेन्स तथा प्रत्यक्ष लगायत विविध च्यानलहरु मार्फत् उपलब्ध गराउदै आएको छ ।
नेपालमा एकमात्र विश्वव्यापी जीवन बीमा प्रदान गर्ने निकाय भएको नाताले मेटलाइफ यहाँको स्थानीय बीमा बजारमा विश्वव्यापी जीवन बीमा सेवाहरु तथा लघु बीमा जस्ता नयाँ बीमा संरक्षणका उपायहरु प्रस्तुत गर्ने अग्रणी बीमा कम्पनी पनि हो । हामीले जे पनि गर्छौं, त्यसमा हाम्रा ग्राहकहरुलाई नै केन्द्रमा राखेर गर्छौं र मेटलाइफ बीमा बजारमा ग्राहकहरुका नवीन आवश्यकताहरुलाई पहिचान गरेर त्यसलाई पूर्ति गर्नमा सधैं अग्रपँक्तिमा रहने गरेको छ, यसप्रकारका नया बीमा योजनाहरुमा महिला–केन्द्रित घातक रोग उपचार योजनाहरु एवं संस्थागत कामदार लाभहरु हुन् ।
बीमा गर्नु एक लगानीको माध्यममात्र नभई त्यसले दिने संरक्षण र स्वास्थ्य लाभहरुका बारेमा अझ बढी जानकारी प्रदान गरेर उनीहरुलाई आर्थिक रुपमा सबल बनाउन र तनावरहित मनमस्तिष्क निर्माण गर्न मद्दत गरिरहेका छौं । आम मानिसहरुले दिन प्रतिदिन सामना गरिरहेका जोखिमहरु र कठिन समयमा पारिवारिक व्यवस्थापनका लागि बीमाले निर्वाह गर्ने महत्वपूर्ण भूमिकाका बारेमा अझ धेरै जनचेतना फैलाउनु जरुरी छ ।
बचत सहितको बीमा योजना मात्र प्राथमिकतामा राख्नाले कम आयआर्जन गर्ने समुहहरुका लागि बीमा प्रीमियम धेरै महँगो हुनुका साथै गैर किफायती हुन्छ भन्ने मानसिकता पाइन्छ । यस्ता भ्रमबाट मानिसहरूलाई बाहिर निकाल्न मेटलाइफले धेरै सस्तो संरक्षणमा आधारित बीमा योजनाहरू ल्याएको छ जुन उनीहरूको आवश्यकता अनुसार प्रत्येक आय समूहका व्यक्तिहरूका लागि किफायती हुन्छ र हामी बीमाद्वारा संरक्षित समाजको विकास गर्न सक्दछौं । जीवन बीमा मरेर जानेहरुको लागि नभई बाँच्नेहरूका लागि हो भन्ने मानसिकता विकास गर्न जरुरी छ ।
यसको एक राम्रो उदाहरण भनेको मेटलाईफले प्रस्तुत गरेको “लाइफ केयर” बीमा योजना हो जसले मृत्यु भएमा, अप्रत्यासित घटनाहरु हुँदा तथा २४ घातक रोगहरुको निदान विरुद्ध व्यापक आर्थिक संरक्षण प्रदान गर्दछ । यो बीमा योजनाले महिलाहरुका लागि विशेष रुपमा तयार पारिएको प्याकेज उपलब्ध गराउँछ, जसले महिलाहरुमा प्रायः देखा पर्ने खतरनाक रोगहरु जस्तै स्तन र पाठेघर क्यान्सरका साथसाथै सबैका लागि सामान्य प्याकेज पनि समेटेको छ ।
हाम्रा ग्राहकहरुका आवश्यकता अनुरुप बीमा योजनाहरुको विकास निरन्तर रुपमा भैरहेको सुनिश्चित गर्न हामीले बीमा क्षेत्रका आवश्यकताहरु र रिक्तताका सम्बन्धमा निरन्तर अनुसन्धान गर्ने गरेका छौं र सोही बमोजिम नयाँ सेवाहरुको विकास पनि गर्दै आएका छौं ।
नेपालको परिप्रेक्ष्यमा यहाँ बीमाको वर्तमान अवस्था कस्तो छ र यसको भविष्य कस्तो देख्नुहुन्छ?
बितेको ३ वर्षलाई हेर्ने हो भने जीवन बीमा बजारले अत्यन्त मजबुत दोहोरो अँकको वृद्धिदर हासिल गर्न सफल भएको छ, जुन सरदर ३५ देखि ४७ प्रतिशतको हाराहारीमा रहेको पाइन्छ।
महामारीको अवधि बाहेक मेटलाइफको धेरै व्यावहारिक र दिगो विकास भएको छ । यस अवधिमा हामीले मानिसहरुको स्वास्थ्यमा बढी केन्द्रित हुनुका साथै व्यक्तिहरुको सुरक्षा, हाम्रो ग्राहक, हाम्रा सहकर्मीहरू, हाम्रो फिल्ड फोर्स सहित अन्य सरोकारवालाहरूमा हामी बढी केन्द्रित भयौं जुन नयाँ व्यवसाय र एक जिम्मेवार कम्पनीको लागि स्पष्ट खाका रहेको छ । एक उद्योगको भएको नाताले आउने बर्षहरुमा नयाँ कम्पनीहरु र नयाँ उत्पादनहरुको अफरलाई अझ बढी विकास गर्ने अपेक्षा गर्न सकिन्छ ।
जब नेपालमा बीमा गर्नेहरुको संख्या बढ्दै जान (हाल करिब २२% रहेको छ) र बढ्दो आय स्तरले बीमा गर्ने निकायहरुलाई एक अवसर प्रदान गरेको छ भनें बीमाको बारेमा थोरै जनचेतना र बुझाई हुनुले चुनौतीहरु पनि खडा गरिदिएको छ । धेरैजसो मानिसहरुको बुझाईमा बीमा एक लगानीको माध्यममात्र हो भन्ने छ र त्यसबाट प्राप्त हुने आर्थिक लाभ तथा संरक्षणहरुका सम्बन्धमा उनीहरु अनभिज्ञ जस्तै छन् । एक उद्योग भएको नाताले आम मानिसहरुले दिन प्रतिदिन सामना गरिरहेका जोखिमहरु र बीमाले प्रदान गर्ने संरक्षण लाभहरुका बारेमा हामीले अझ धेरै जनचेतना फैलाउनु जरुरी छ ।
नेपालको बीमा क्षेत्रको विकास गर्न नियामक निकायहरु, सरकार र बीमा कम्पनीहरुका बीचमा राम्रो सहकार्य हुनु पर्दछ । सरकार र बीमा समिति दुवैले नियामक आधारहरुको प्रावधान र दिगो विकासलाई समर्थन गर्ने आर्थिक नीतिहरु तथा सबै बीमा सरोकारहरुलाई सघाऊने नीतिगत–तह मार्फत् बीमा क्षेत्रको विकासमा अत्यन्त महत्वपूर्ण भूमिका खेल्दै आएको छ । नियामकको पनि उपभोक्ताहरुको अधिकार संरक्षणसँगै सबै कम्पनीहरुमाझ स्वस्थ प्रतिस्पर्धा गराउन र तहगत–संचालन क्षेत्र सुनिश्चित् गर्न अत्यन्त महत्वपूर्ण भूमिका रहेको हुन्छ ।
यस क्षेत्रको थप विकास हुनाले नेपाली नागरिकहरुलाई लाभ पुगेको छ र उनीहरु बीमा कम्पनीहरुसँगको साझेदारीमा आफ्नो वित्तीय भविष्य सुरक्षित गर्न सक्षम भएका छन् । यसबाट उनीहरुको जीवन स्तर उकासिन्छ र आर्थिक विकासमा सहयोग पुग्न जान्छ, साथै मानिसहरुलाई अप्रत्यासित घटनाक्रमबाट जोगिन कममात्र “पूर्वसावधानीयुक्त बचत” भए पुग्ने भएकोले उनीहरुले ज्यादा उपभोग गर्न सक्छन् । र राम्रो नियामक वातावरणको निर्माणले यस उद्योगको विकासमा सहयोग पुग्छ, सरकारले पनि बीमा कम्पनीहरुलाई सरकारको वित्तीय क्षेत्रलाई बल पुग्ने किसिमका दीर्घकालीन लगानी र विशेषगरी सार्वभौम कर्जाका लागि उपयुक्त योजनाहरुको आव्हान गर्न सक्छ । निकटस्थ सहकार्य गरेर उद्योगको विकास गर्न हामी सबै जिम्मेवार छौं, अन्ततः हामी सबैको उद्देश्य भनेकै लाभ हो ।
लकडाउनको दौरान मेटलाइफलाई कस्तो असर पर्यो?
जब कोभिड–१९ महामारी हामी हरेकको लागि एक चुनौतीको समय बनिरहेको थियो, यो पनि हाम्रो लागि एक महत्वपूर्ण अनुभव संगाल्ने अवसर बन्यो र यसले हामीलाई नयाँ नयाँ कार्यहरुको थालनी गर्न अभिप्रेरित गरिरह्यो । हाम्रा कर्मचारीहरु, हाम्रा ग्राहकहरु र समुदायहरुलाई सहयोग गर्ने क्रममा हामीलाई मार्ग निर्देशित गर्ने सिद्धान्त अनुसार अझ बढी विश्वासिलो भविष्य निर्माण गर्ने दिशामा हामी अग्रसर भयौं ।
हामीसँग एक ठोस व्यवसाय निरन्तर योजना छ, जसले हामीलाई घरमै सुरक्षित रहेर हाम्रा बिमित र साझेदारहरुलाई निरन्तर सेवा प्रदान गर्न सक्षम बनाइदिएको छ ।
हाम्रो टिम लकडाउनको पहिलो दिनदेखि नै घरबाटै काममा खटिरहेको छ। हामीले हाम्रा सम्पूर्ण मुख्य मुख्य सेवाहरु अनलाइन् मार्फत सुचारु गर्दै आएका छौं । साथसाथै हामीले बीमा वापत्को प्रिमियम भुक्तानी कार्यमा सहज होस् भनी इसेवा र फोन पे मार्फत् तिर्न सक्ने सुविधाको पनि विकास गरेका छौं ।
हामीले एन्ड्रोइडमा भर्सनमा “मेटलाइफ नेपाल ग्राहक एप“ लाई हाम्रा सम्पूर्ण ग्राहक वर्ग तथा सरोकारवालामा प्रस्तुत गर्यौं। यसलाई हामी आईओएसमा पनि उपलब्ध गराउने प्रक्रियामा रहेका छौँ जुन हाम्रो पहिलो न्यूनतम व्यवहार्य परियोजना रहेको छ र अन्य यस्ता सुबिधाहरु र श्रृंखलाहरू अझै आउने दिनहरुमा प्रस्तुत गर्ने सोचमा रहेका छौँ । हामी यसलाई छिट्टै हाम्रा ग्राहक वर्ग तथा सरोकारवालामा प्रस्तुत गर्न लागि परेका छौं । हामीले बीमा उद्योगमा आफ्नो क्यारियर विकास गर्न चाहने व्यक्तिहरुको लागि अनलाइन प्रशिक्षण पनि सुरू ग¥यौं । हामी आउने दिनहरुमा पनि अझै यसलाई बढाउँदै जान्छौं । यस अवधिमा आफ्नो घरमा बसोबास गर्दै हाम्रा फिल्ड फोर्सहरुका लागि बैठक र तालिमहरूको व्यापक रूपमा विस्तार गरेका छौं जसले निश्चित रूपमा हाम्रा फिल्ड फोर्सलाई अझ व्यवसायिक बनाउन र अपग्रेड गर्न मद्दत गर्दछ ।
हामीले महामारीको दौरानमा हाम्रा बीमितहरुको सहायतार्थ विभिन्न मापदण्डहरु अवलम्बन गरेका छौं– हामलिे एफएम रेडियो, फेसबुक र इमेलको माध्यमबाट हाम्रा उपभोक्ता तथा साझेदारहरुलाई रोकथामका विभिन्न जानकारीहरु प्रदान गरेका थियौं जसलाई हाम्रा सरोकारवालाहरुले वास्तवमै प्रशंसा गरेको छ । म यो अवसरलाई ग्रहण गर्दै तिनीहरू सबैलाई धन्यवाद दिन चाहन्छु ।
यसका अलावा, मेटलाइफ फाउण्डेसनले प्लान इन्टरनेशनल नेपालसँग मिलेर नेपालमा कोभिड–१९ फैलन नदिनका लागि कार्य गरिरहेको छ भनें देशको अत्यन्त कमजोर अवस्थामा रहेका समुदायका करिब ४० हजार नागरिकहरुलाई अत्यावश्यकीय आर्थिक राहत पनि उपलब्ध गराएको छ ।
हामी हाम्रा सहकर्मीहरुले महामारीको समयमा देखाएको जिम्मेवारपूर्ण उत्तरदायित्वप्रति गर्व गर्दछौं– खास गरेर यो कठिन समयमा हाम्रा उपभोक्ताहरु र समुदायहरुको सहायता गर्नमा उनीहरुले देखाएको प्रतिबद्धताका लागि ।
महामारीको अवस्था हटेपछि मेटलाइफ नेपालले अपनाउने नीति कस्तो हुनेछ ?
एक भविष्य लक्षित कम्पनी भएको हुँदा मेटलाइफले हाम्रा जनशक्ति र उपभोक्ताहरुरुलाई सक्षम बनाउन डिजिटल प्रविधिमा लगानी गर्ने कार्यलाई निरन्तरता दिनेछौं । हामीले यही लकडाउनकै बखतमा पनि धेरैले प्रतिक्षा गर्नु भएको एपको शुभारम्भ गरिसकेका छौं, यो एप्को शुरुवातसँगै अब हाम्रा ग्राहकहरुले उहाँहरुसँग सम्बन्धित नीतिहरु र पछिल्लो अवस्थाका बारेमा जानकारी प्राप्त गर्न सहज हुनेछ । सबैभन्दा मुख्य त, हाम्रो अनलाइन् ग्लोबल सेल्स र सर्भिस प्लेटफर्म जस्तो नवीन सुविधाहरु मार्फत् हाम्रा ग्राहकहरुका लागि कारोबार गर्न छिटो र सजिलो हुने भएका छौं ।
हामी हाम्रा ग्राहकहरुलाई अनलाइन् भुक्तानी सुविधा प्रदान गर्ने पहिलो जीवन बीमा कम्पनी हौं । हामीले भुक्तानी प्रणाली प्रस्तुत ग¥यौं जसले गर्दा हाम्रा उपभोक्ताहरुले यी पोर्टलहरुको सुरक्षित प्रयोग गरेर उहाँहरुको प्रिमियम भुक्तानी गर्न सक्षम हुनु भएको छ । हाल उहाँहरुले इसेवा र फोन पे माफृत् अनलाइन् भुत्तानी गर्दै आउनु भएको छ र हामी यसप्रकारको भुक्तानी कार्य गर्ने साझेदारहरुको संख्या वृद्धि गर्ने दिशामा काम गरिरहेका छौं । उपभोक्ताहरुको हितका खातिर हाम्रा बिक्री र सेवा प्रक्रियाहरुलाई सरलीकरण तथा डिजिटाइज गर्ने कार्यहरुलाई हामी निरन्तरता दिंदै जानेछौं । हामीले हाम्रो फिल्ड फोर्सको लागि डिजिटल सेल्स टूलको पायलट चरण फेजलाई पूरा गरिसकेका छौं जसले हाम्रो फिल्ड फोर्सलाई डिजिटल बिक्री उपकरणले राम्रोसँग सुसज्जित बनाउनको लागि अगाडि बढाइनेछ र कुनै पनि उत्पादनहरू किन्नु अघि हाम्रा सम्भावनाहरूलाई अझ सजीलो संग बुझ्न मद्दत गर्नेछ ।
हामीले केन्द्रित गर्ने हाम्रो ग्राहक, सहयोगीहरू र फिल्ड फोर्स सहित हाम्रा अन्य व्यक्तिहरू हाम्रो लागि धेरै सरल रहेको छ । कुनै पनि निर्णय गर्नु अघि हामी आफैलाई सोध्छौं “यो हाम्रो ग्राहकहरुको लागि किन महत्वपूर्ण हुनेछ?“ र हामी हाम्रा प्रतिभा विकासमा निरन्तर लागी पर्नेछौं, साथै हाम्रो एजेन्सी फिल्ड फोर्सलाई पनि हाम्रा उपभोक्ताहरुको आवश्यकता परिपूर्तिको लागि सहयोग गर्ने कार्यमा सबल बनाउन दत्तचित्त भएर लागी पर्नेछौं । देशमा बीमा विज्ञहरुको विकासमा सहयोग गर्न हामीले जीवन बीमा शिक्षण कार्यक्रमहरु संचालन गर्दै आएका छौं भनें हाम्रा कर्मचारीहरु र एजेण्टहरुको सीप विकासका लागि बीमा कार्यशालाहरु र प्रशिक्षणहरु पनि आयोजना गर्ने गरेका छौं, जसले गर्दा उनीहरुलाई बीमा क्षेत्रको विभिन्न पेशागत चरणमा सहयोग पुग्न जानेछ ।
हाम्रा बिमितहरुलाई सेवा प्रदान गर्न र बीमा बजारमा बीमा विज्ञहरुको विकास गर्न नवीन खोजलाई निरन्तर जारी राख्ने हाम्रो प्रतिबद्धता व्यक्त गर्दै हाम्रा उपभोक्ताहरुलाई अधिक विश्वसनीय भविष्य निर्माण गर्ने कार्यमा सहयोग गर्न सक्ने विश्वासिलो साझेदारीसँग सहकार्य गर्न हामी सदैव आतुर रहेको समेत अवगत गराउँदछु ।
