कृषि विकास बैंक लिमिटेडले ईन्टरनेट र मोबाइल बैंकिङ सेवा प्रयोग गर्ने ग्राहकको सहजताका लागि खल्ती डिजिटल वालेटसँग सम्झौता गरेको छ।
कृषि विकास बैंकका वित्त अधिकृत यज्ञप्रकाश न्यौपाने र खल्तीका निर्देशक अमित अग्रवालले सम्झौतामा हस्ताक्षर गरेका छन्।
खल्तीसँगको सम्झौतापछि कृषि विकास बैंकका ग्राहकहरूले मोबाइल बैंकिङ र इन्टरनेट बैंकिङ सेवा प्रयोग गरेर खल्ती वालेटमा रकम लोड गर्न सक्नेछन्।
खल्तीमा लोड गरिएको रकमबाट खल्तीको प्लेटफर्ममा रहेका सबै प्रकारका डिजिटल भुक्तान सेवा उपयोग गर्न सकिने बताइएको छ।
यस साझेदारीबाट ग्राहकहरूले डिजिटल बैंकिङमा अझ धेरै सुविधा पाउने बैंकले जनाएको छ।
सम्झौता अनुसार बैंकले खल्ती डिजिटल वालेटलाई भर्चुअल मेसिन अपरेटिङ प्रणाली प्रदान गर्नेछ। यसको माध्यमबाट ग्राहकहरूले अनलाइन र अफलाइनबाट खल्तीमा रकम लोड गर्न सक्नेछन्।