प्रधानमन्त्री सुशीला कार्कीले निजी क्षेत्रलाई राज्यको तर्फबाट चाहिने सहयोग गर्ने बताएकी छन्। आइतबार पदभार ग्रहण गर्ने क्रममा सम्बोधन गर्दै प्रधानमन्त्री कार्कीले यस्तो बताएकी हुन्।
उनले आतंक मचाएर व्यवसायहरू जलाएर खरानी बनाउने काम हुँदा पनि व्यवसायीहरूले देखाएको मनोबलको प्रशंसा समेत गरेकी छन्।
प्रस्तुत छ, व्यवसायीलाई सान्त्वना दिदै केन्द्रीत प्रधानमन्त्री कार्कीको गरेको सम्बोधनः
जनता पनि विषम आर्थिक परिस्थतिमा छ। सरकार पनि विषम आर्थिक परिस्थितिमा छ।
व्यक्तिको सम्पत्ति व्यवसायी, उद्यमीको सम्पत्तिको पनि नाश भएको छ। तिनलाई आफैं खडा होउ भनेर राज्यले त्यसै अलपत्र छोड्न हुँदैन। किनभने कतिपय व्यवसायीको व्यक्तिगत सम्पत्ति क्षय भएर उठ्न पनि नसक्ने अवस्थामा पुगेका छन्। त्यसमा राज्यले विचार गर्छ। उनीहरूलाई कसरी उठाउने?, कस्तो सहयोग दिने?, बैंकको सफ्ट लोनबाट हुन्छ की? अन्य केही तरिकाबाट हुन्छ की? राज्यले हेर्छ।
सटर खोलेर बसेका साना व्यापारीहरू पनि लुटिएका छन्। आज मैले समाचारमा पनि पढें, हामी उठ्ने कोशिस गर्छौं, हामी हार्दैनौं भनेर उहाँहरूले आत्मबल देखाउनु भएकोमा धन्यवादका साथै शुभकामना पनि दिन्छु।
आतंकमा जस्तो जलाएर खरानी बनाउने काम गरियो, त्यसको बाबजुद पनि म उठ्छु भन्ने उहाँहरूले जुन किसिमको अठोट गर्नु भएको छ त्यसको लागि धन्यवाद दिन्छु। राज्यको तर्फबाट उहाँहरूलाई सल्लाह चाहिने होकी, कनै किसिमको सहयोग चाहिने हो, त्यसमा पछि हामी विचार गर्नेछौं।
-1746009348.jpg)
