रास्वपा सांसद लिमा अधिकारीले सेयर बजारमा हुने उधाराे कारोबारमा सेबोनका उच्च अधिकारी संलग्न रहेको गुनासो बढ्दै गएको बताएकी छिन्।
बुधबार अर्थ समितिमा भएको छलफलमा उनले सेबाेनले ब्रोकरलाई अनुगमन प्रभावकारी रूपमा नगर्दा उधारो कारोबार बढेको बताइन्।
यसमा सेबाेनले ध्यान नदिएको उनको भनाइ छ।
बैठकमा अधिकारीले प्रि-आईपीओ निकै बढेको भन्दै यसमा सेबाेनले के गरिरहेको छ भन्दै प्रश्न गरेकी छन्।
उनले प्रिमियय आईपीओमा मूल्य कसरी गणना हुन्छ भन्ने प्रश्न गरेकी छन्।
आईपीओ ल्याउनुअघि नाफा हुन्छ भनेर प्रक्षेपण गर्ने, पछि रिपोर्ट त्यस्तो नआउने समस्या बढदै गएको उनको गुनासो छ । उनले लकईन अवधि पनि विश्वसनिय हुनु पर्ने धारणा राखेकी छन्।
