कर क्षेत्रका पुस्तक 'द पर्पल बुक अफ ट्याक्स'को नवौं संस्करण बजारमा आएको छ।
सिए शेषमणि दाहालले लेखेको यो पुस्तक विगत नौ वर्षदेखि निरन्तर प्रकाशन हुँदै आएको उनले बताए।
उनका अनुसार नवौं संस्करणमा आर्थिक ऐन, २०८३ ले संशोधन गरेको आयकर ऐन र मूल्य अभिवृद्धि कर ऐन समावेश गरिएको छ।
दुवै ऐन नेपाली र अंग्रेजी भाषामा प्रस्तुत गरिएको उनले बताए।
यस संस्करणमा नेपाल कानून पत्रिकामा प्रकाशित करसम्बन्धी नजिरसमेत समावेश गरिएको दाहालले बताए।
आर्थिक ऐनमार्फत लगाइएका सम्पूर्ण कर, महसुल, दस्तुर, शुल्क तथा रोयल्टीलाई पनि पुस्तकमा समेटिएको उनले जानकारी दिए।
आर्थिक ऐन, २०८३ मार्फत करमा दिइएका छुट तथा सहुलियतलाई छुट्टाछुट्टै रूपमा प्रस्तुत गरिएको उनले बताए।
आयकर तथा मूल्य अभिवृद्धि कर निर्देशिकाले गरेका विशेष कानुनी व्याख्यालाई सम्बन्धित ऐनका व्यवस्थासँगै राखिएको दाहालले बताए।
यसले पाठकलाई करसम्बन्धी कानुन पढ्न र बुझ्न सहज हुने उनको भनाइ छ।
आन्तरिक राजस्व विभागले आर्थिक वर्ष २०८२/८३ सम्म जारी गरेका परिपत्र र पूर्वादेशलाई पनि पुस्तकमा समेटिएको उनले बताए।
सर्वोच्च अदालत र राजस्व न्यायाधिकरणले करसम्बन्धी मुद्दामा गरेका महत्वपूर्ण व्याख्या तथा फैसलालाई सम्बन्धित ऐनका दफासँगै राखिएको उनले जानकारी दिए।
यसका कारण पुस्तक करसम्बन्धी महत्वपूर्ण स्रोत सामग्रीका रूपमा प्रयोग हुँदै आएको दाहालले बताए।
पुस्तक दराज अनलाइन सप र किताब यात्रामार्फत खरिद गर्न सकिनेछ। पाठकको ठेगानामै पुस्तक डेलिभरी हुने व्यवस्था रहेको दाहालले बताए।
उपत्यकाभित्र र उपत्यका बाहिरका मुख्य सहरका प्रमुख स्टेसनरी पसलमा पनि पुस्तक उपलब्ध रहेको उनले जानकारी दिए।
.JPG)
.JPG)
