ग्लोबल टेक्नोलोजी कम्पनी जेडटिइले आफ्नो नयाँ गेमिङ स्मार्टफोन नुबिया नियो ५ जिटी ५जी नेपाली बजारमा सार्वजनिक गरेको छ।
नुबिया नियो सिरिजअन्तर्गतको यो नयाँ स्मार्टफोन विशेषगरी नयाँ पुस्ताका मोबाइल गेमरहरूलाई लक्षित गरी डिजाइन गरिएको हो।
फ्ल्यागशिप स्तरका गेमिङ फिचर, उन्नत कुलिङ प्रणाली तथा शक्तिशाली ब्याट्री क्षमतासहित यस स्मार्टफोनले उत्कृष्ट गेमिङ अनुभव प्रदान गर्ने कम्पनीले जनाएको छ।
हाइ स्पिड र उत्कृष्ट प्रदर्शन चाहने प्रयोगकर्तालाई लक्षित गरी तयार गरिएको नुबिया नियो ५ जिटी ५जी मा १.५के १४४ हर्ज गेमिङ डिस्प्ले, ५५० हर्ज नियो ट्रिगर्स ५.०, गेमिङ इण्डस्ट्रिमै पहिलो पटक प्रयोग गरिएको बिल्ट–इन कुलिङ फ्यान, तथा ८० वाट फास्ट चार्जिङसहितको ६ हजार २१० एमएएच डुअल–सेल ब्याट्री उपलब्ध छ।
यी विशेषताले लामो समयसम्म स्मुथ गेम प्ले, प्रभावकारी हिट म्यानेजमेन्ट तथा अविरल गेमिङ अनुभव सुनिश्चित गर्ने कम्पनीको दाबी छ।
लन्चका अवसरमा जेडटिइ नेपालका प्रमुख कार्यकारी अधिकृत सबिन श्रेष्ठले भने, 'नुबिया नियो ५ जिटी ५जी नेपालका बढ्दो मोबाइल गेमर समुदायलाई उत्कृष्ट गेमिङ अनुभव प्रदान गर्ने उद्देश्यले विकास गरिएको स्मार्टफोन हो। अत्याधुनिक कुलिङ प्रणाली, छिटो प्रतिक्रिया दिने कन्ट्रोल तथा शक्तिशाली ब्याट्रीका साथ यसले उचित मूल्यमा प्रिमियम गेमिङ अनुभव प्रदान गर्नेछ भन्नेमा हामी विश्वस्त छौं।'
त्यसैगरी शंकर ग्रुप तथा जगदम्बा मोबाइल्सका कार्यकारी निर्देशक सक्षम जटियाले भने, 'नेपालमा नुबिया नियो ५ जिटी ५जी सार्वजनिक गर्न पाउँदा हामी उत्साहित छौं। गेमिङ स्मार्टफोनको बढ्दो मागलाई ध्यानमा राख्दै यस स्मार्टफोनले नेपाली उपभोक्तालाई नवीन प्रविधि, उच्च प्रदर्शन र उत्कृष्ट मूल्यको संयोजन प्रदान गर्नेछ भन्ने हाम्रो विश्वास छ।'
१२ जिबी ऱ्याम र २५६ जिबी स्टोरेज भेरियन्टमा उपलब्ध नुबिया नियो ५ जिटी ५जी को मूल्य ७७ हजार ९९९ रूपैयाँ निर्धारण गरिएको छ।
यो स्मार्टफोन नेपालभर जगदम्बा मोबाइल्स प्रा. लि. मार्फत उपलब्ध हुनेछ।
साथै ग्राहकहरूले शून्य प्रतिशत ब्याजदरको इएमआई सुविधा मार्फत पनि यो स्मार्टफोन खरिद गर्न सक्नेछन्।
यसै महिनाको सुरुवातमा जेडटिइले नुबिया नियो ५ ५जी पनि नेपाली बजारमा सार्वजनिक गरेको थियो।
८ जिबी ऱ्याम र २५६ जिबी स्टोरेज भेरियन्टमा उपलब्ध यस स्मार्टफोनको मूल्य ५५ हजार ९९९ रूपैयाँ रहेको छ।
युनिसोक टी९३०० अल्टिमेट (६ एनएम) चिपसेट, ६.८ इन्चको १२० हट्र्ज आइपिएस एलसिडी डिस्प्ले, म्याजिक टच ३.०, ५५० हट्र्ज नियो ट्रिगर्स ५.०, २० हजार वर्ग मिलिमिटर मल्टिलेयर कुलिङ सिस्टम, ५० मेगापिक्सेल एआई डुअल रियर क्यामरा, १६ मेगापिक्सल फ्रन्ट क्यामरा तथा ४५ वाट बाइपास चार्जिङसहितको ६,०५० एमएएच ब्याट्री जस्ता विशेषताले यस स्मार्टफोनलाई गेमिङ पारखीहरूका लागि उत्कृष्ट विकल्प बनाएको कम्पनीको भनाइ छ।
त्यसैगरी, जेडटिइले यसअघि नेपाली बजारमा विश्वकै उत्कृष्ट गेमिङ स्मार्टफोनहरूमध्ये एक मानिने रेडम्याजिक ११ प्रो पनि सार्वजनिक गरिसकेको छ।
जसले नेपाली गेमरहरू तथा आम प्रयोगकर्ताबाट अत्यन्त सकारात्मक प्रतिक्रिया प्राप्त गरेको छ।
नुबिया नियो ५ ५जी, रेडम्याजिक ११ प्रो तथा नयाँ नुबिया नियो ५ जिटी ५जी को सार्वजनिकसँगै जेडटिइले नेपालमा आफ्नो गेमिङ स्मार्टफोन पोर्टफोलियोलाई थप सुदृढ बनाउँदै अत्याधुनिक गेमिङ प्रविधि तथा उच्च प्रदर्शनयुक्त स्मार्टफोनहरूलाई अझ व्यापक प्रयोगकर्तामाझ पहुँचयोग्य बनाउने आफ्नो प्रतिबद्धतालाई निरन्तरता दिएको बताइएको छ।
