नेपालको सबैभन्दा ठूलो अनलाइन सपिङ प्ल्याटफर्म दराजले मोटरसाइकल, स्कुटर र गाडीमा पनि छुट दिने भएको छ।
दराजले ११ः११ सेल डेमा यी सवारी साधनमा पनि छुट दिने भएको हो। कति छुट दिने भन्ने त्यही दिन मात्र सार्वजनिक हुने कम्पनीले जनाएको छ।
ग्राहकले दराजमार्फत टिभिएसको मोटरसाइकल, स्कुटर र टाटाको गाडी खरिद गर्न पाउने छन्। दराजले कात्तिक २५ गते सेल डे गर्दैछ। त्यसमा ८० प्रतिशतसम्म छुट दिइने कम्पनीको दावी छ।
त्यस्तै दराजले सेलडेमा सामान खरिद गर्ने १ जना भाग्यशाली उपभोक्तालाई यामाहा स्ट्रिट र्याली स्कुटर उपहार दिने जनाएको छ।