काठमाडौं उपत्यकामा सडक पुर्ननिमार्ण गर्न, जेब्रा क्रस वा सेन्ट्रल लाइन बनाउन सबैभन्दा ठूलो समस्या हो भीड।
यही समस्याको कारण सडक विभागले कतिपय ठाउँमा काम गर्न सकिरहेको थिएन भने रातको समयमा गरेपनि निकै कठिन थियो।
यही समयस्याले गुज्रिरहेको बेलामा सडक डिभिजन काठमाडौंले जुक्ती निकाल्यो।
लकडाउनको बेलामा सामाजिक दुरी कायम गरेर गर्दा कसो होला?
जिल्ला प्रशासन कार्यालयबाट पास लिएर लकडाउनको दोस्रो दिनदेखि जेब्रा क्रस, सेन्ट्रल लाइन लगायतमा काम सुरु गरिएको सडक डिभिजन काठमाडौंका प्रमुख कुबेर नेपालीले जानकारी दिए।
‘लक डाउन उलंघन गर्यो भन्ने आरोप लाग्छ की भन्ने डर थियो। त्यसैले निकै थोरै मानिसको टिम बनाएर सामाजिक दुरी कायम राखेर काम गर्यौँ,’ उनले सेतोपाटीसगँ भने।
नेपालीको अनुसार भखर्रै ओभर ल्याप गरेर भ्याइएको सडकमा रेखाङ्कन गरिएको हो।
हाल माहाराजगञ्जदेखि बालुवाटर, माइतिघरदेखि थापाथली लगायतको क्षेत्रमा रेखाङ्कन सकिएको छ।
अहिले गरिएको रेखाङ्कन विगतकोभन्दा राम्रो भएको उनले बताए।
‘पासको मिती सकिएर हिजोदेखि काम गर्न सकिएको छैन। मन्त्रालयबाट राष्ट्रसेवक कर्मचारीलाई मात्र पास बनाउन मिल्ने रहेछ। पास बनाउन सकियो भने भोलि या पर्सीबाट काम सुरु हुन्छ,’ नेपालीले सेतोपाटीसगँ भने।
त्यसैगरी सवारीको अत्याधिक चापको कारण कोटेश्वर जडिबुटी सडक खण्डका हम्प (टुटिल्का) पनि हटाइएको छ।
‘त्याहाँ दैनिक ३० देखि ४० हजार सवारी साधन गुड्छन्। हामीले चाहेर पनि त्याहाँको हम्प हटाउन सकेका थिएनौ। लकडाउनको मौकामा त्यो पनि बनायौँ,’ उनले भने।
मिलेसम्म अब २ ओटा टिम बनाएर काम गर्ने लक्ष रहेको उनले जानकारी दिए।
-1746009348.jpg)
