कोरोना महामारी सुरु हुनु अघि नै नेपालमा अन्तर्राष्ट्रिय उडानको संख्या घटेको छ। नेपाल नागरिक उडुयन प्राधिकरणले सार्वजनिक गरेको ‘एभिएसन सेफ्टी रिपोर्ट २०२०' अनुसार सन् २०१९ मा सन् २०१८ को तुलनामा उडान संख्या घटेको छ।
प्राधिरणका अनुसार सन् २०१९ मा अन्तर्राष्ट्रिय हवाई मुभमेन्ट सन् २०१८ को तुलनमा ४ दशमल ४ प्रतिशतले घटेको छ।
सन् २०१८ मा अन्तर्राष्ट्रिय तर्फ कुल ३३ हजार ९ सय ३३ वटा उडान तथा अवतरण भएकोमा सन् २०१९ मा घटेर ३२ हजार ४ सय ३९ मा झरेको छ।
यसैगरी आन्तरिक हवाई मुभमेन्ट पनि ८ प्रतिशतले घटेको छ।
यो बीचमा हवाइ दुर्घटना तथा मानवीय क्षति पनि घटेको प्राधिकरणले जानकारी दिएको छ।
