राष्ट्रिय सभाका सांसद जितेन्द्रनारायण देवले मुलकमा सुशासन कायम गर्न निजामती कर्मचारी संगठन विघटन गरिनुपर्ने बताएका छन्।
बुधबार राष्ट्रिय सभा बैठकमा बोल्दै सांसद श्रेष्ठले मुलुकको आर्थिक परिसूचक नकारात्मक अवस्थामा पुग्नमा राजनीतिक कारण पनि प्रमुख रहेको बताउँदै कर्मचारी संगठन विघटन गर्नुपर्ने बताएका हुन्।
भ्रष्टाचारको अन्त्य गर्न अख्तियार दुरूपयोग अनुसन्धान आयोगमा दलहरूले भागबन्डा अन्त्य हुनुपर्ने पनि उनले बताए।
‘पार्टीहरूले भागबन्डा गरेर अख्तियारको संरचना बनायो भने त्यो अख्तियारले केही गर्न सक्दैन,’ उनले भने,‘ कम्पिटेन्सी बेस्ड र मेरिटोक्रेसीको आधारमा यस्ता संस्थाहरूको संरचना निर्धारण गर्नुपर्छ।’
सांसद देवले प्रधानमन्त्री, मन्त्री कतिपटकसम्म बन्न पाउने सिमा निर्धारण गर्नुपर्ने पनि बताएका छन्।
ट्र्याक रेकर्ड सकारात्मक नभएका ठेकेदारहरूलाई पार्टीको सदस्यता नदिनेदेखि अन्य थुप्रै विषयमा सुधार हुनसके मात्रै मुलुक ठिक ठाउँमा आउने उनले बताए।