प्रतिनिधि सभा र राष्ट्रिय सभामा नयाँ सचिव सिफारिस भएका छन्।
आइतबार सभामुख देवराज घिमिरेले प्रतिनिधि सभा सचिव र राष्ट्रिय सभा अध्यक्ष गणेशप्रसाद तिमिल्सिनाले राष्ट्रिय सभा सचिव सिफारिस गरेको स्रोतले जानकारी दियो।
प्रतिनिधि सभा सचिवमा पदमप्रसाद पाण्डे सिफारिस भएका हुन्। उनी नायव महान्यायाधीवक्ता हुन्।
यस्तै राष्ट्रिय सभा सचिवमा सुरेन्द्र अर्याललाई सिफारिस गरिएको छ। उनी संसद सचिवालयकै सहसचिव हुन्।
घिमिरे र तिमिल्सिनाले गरेको सिफारिसलाई राष्ट्रपतिले स्वीकृत गरेपछि उनीहरूको नियुक्ति हुनेछ।
यसअघि प्रतिनिधि सभा सचिव गोपालनाथ योगी र राष्ट्रिय सभा सचिव राजेन्द्र फुँयालको पाँच वर्षे कार्यकाल सकिएको थियो।