सभामुख देवराज घिमिरेले प्रमुख सचेतकहरू र सचेतकहरूसँग छलफल गरेका छन्।
सरकारले सदनमा पेस गरेका अध्यादेशबारे केन्द्रित रहेर सभामुख घिमिरेले बुधबार दिउँसो सत्ता र प्रतिपक्षी दलका सचेतकहरूसँग छलफल गरेका हुन्।
सरकारले गत माघ १८ गते प्रतिनिधि सभा र राष्ट्रिय सभामा ६ वटा अध्यादेश पेस गरेको छ।
ती अध्यादेश बिहीबारको प्रतिनिधि सभा र राष्ट्रिय सभामा निर्णयार्थ पेस हुनेछ।
प्रतिपक्षी दलका सांसदहरूले अध्यादेश अस्वीकृत गर्न प्रतिनिधि सभामा ५० र राष्ट्रिय सभामा १६ प्रस्ताव दर्ता गरेका छन्।
