नेपाली कांग्रेसको विशेष महाधिवेशन स्थल भृकुटीमण्डपमा सभापति शेरबहादुर देउवा पक्षका ३० बढी नेताहरू पुगेका छन्।
पूर्व सांसद पुष्पा भुसाल, विनोद चौधरी, डिला सङ्ग्रौला, उदय शम्शेर राणा, देवेन्द्र कँडेललगायत देउवा पक्षीय नेताहरू भृकुटीमण्डप पुगेका हुन्।
यी ३० सांसदहरू चुनावअघि नै महाधिवेशन हुनुपर्ने भनेर धारणा सार्वजनिक गर्दै आएका थिए। तर विशेष महाधिवेशनका पक्षमा खुलेर लागेका थिएनन्। उनीहरू छुट्टै समूह बनाएर महाधिवेशन गर्न दबाब दिँदै आएका थिए।
सकेसम्म पार्टीले नै महाधिवेशन गरेर जानुपर्ने भन्दै आएका उनीहरू अन्तत: विशेष महाधिवेशनमा भाग लिन आएका हुन्।
डिला सङ्ग्रौला, चिनकाजी श्रेष्ठ, पुष्पा भुसाल, कर्णबहादुर बुढा, अर्जुन जोशी, राजन केसी, जानकी सिंह, अब्दुल सत्तार, दिलमान पाख्रिन, उदय शम्शेर राणा, देवेन्द्र कँडेल, नानु बास्तोला, आङ्गेलु शेर्पा, योगेन्द्र चौधरी, विनोद चौधरी, हृदयराम थानी, सुनिल शर्मा, मैकुलाल बाल्मीकि लगायतका नेता भृकुटीमण्डप पुगेका हुन्।
उनीहरू विशेष महाधिवेशन स्थल आएको जानकारी दिँदै नेता गुरुराज घिमिरेले देउवा पक्षीय अरू सदस्यलाई सभापति देउवालाई पनि लिएर आउन आह्वान गरेका छन्।
-1746009348.jpg)
