नेपाली कांग्रेसका गण्डकी सभापति शुक्रराज शर्माले कांग्रेसलाई 'कम्युनिस्टमुक्त' बनाउनुपर्ने बताएका छन्।
भृकुटीमण्डपमा आयोजित विशेष महाधिवेशनमा बोल्दै शर्माले कांग्रेसमा कम्यनिस्टको गन्ध आएको र कम्युनिस्ट नभई हिँड्नै नसक्ने कांग्रेसको अवस्था फेर्नुपर्ने बताएका हुन्।
'कम्युनिस्ट नभई हिँड्न नसक्ने अवस्था आयो। त्यसकारण आजको अधिवेशनले कम्युनिस्ट मुक्त कांग्रेस बनाउनुपर्नेछ। नेपाली कांग्रेस एक्लै चार तारे झन्डा लिएर जनताका माझमा जानुपर्ने अवस्था निर्माण गर्नुपर्छ,' उनले भने।
उनले ०६१ सालसम्म कांग्रेसले अवलम्बन गरेको सिद्धान्तलाई पुनः अवलम्बन गर्ने अवस्था बनाउनुपर्ने बताए।
'प्रजातन्त्रको ठाउँमा लोकतन्त्र हुन सक्दैन। प्रजातन्त्रको अर्थ लोकतन्त्र होइन। हामी कहिल्यै लोकतन्त्रका लागि लडेनौं। प्रजातन्त्र भनेर त्याग तपस्या गरेका मान्छे उपस्थित भएका छौं। लोकतन्त्र हटोस्। नेपाली कांग्रेसलाई लोकतन्त्र भनेर कम्युनिस्टको गन्धबाट मुक्त पारौं। समाजवादको ठाउँमा समाजवादउन्मुख नलेखौं। गणतन्त्रको ठाउँमा ०४७ सालको संविधानले व्यवस्था गरेको संवैधानिक राजतन्त्रबारे विचार गरौं,' उनले भने।
-1746009348.jpg)
