नेपाली कांग्रेसका नेता प्रकाश रसाइलीले आउँदो फागुन २१ गते हुने आम निर्वाचनमा दुई तिहाइ ल्याउन नातावादलाई बिदा गर्नुपर्ने बताएका छन्।
आइतबार भृकुटीमण्डपस्थित विशेष महाधिवेशनमा बोल्दै उनले नातावाद र कृपावादलाई ढोकामा रोक्नुपर्ने बताएका हुन्।
‘यदी दुई तिहाइ बहुमत ल्याउने हो भने अब नेपाली कांग्रेसले सालासाली, दाइभाइ, हुक्के बैठके ढोकैबाट मुक्त राख्नुपर्छ। नेपाली कांग्रेसको बहुमत आउँछ,’ उनले भने।
उनले सभापति शेरबहादुर देउवाले पार्टीबाट लिनुपर्ने सबै कुरा लिएको तर अहिले जिम्मेवारीबाट पन्छिएको पनि बताए।
‘अब नेपाली कांग्रेसका कार्यकर्ता घन्टीमा, डण्डी, लौरो, सूर्य, हँसिया हथौडामा कसैले भोट हाल्दैन। त्यसको पनि संकल्प गर्नुछ,’ उनले भने।
-1746009348.jpg)
