नेपाली कांग्रेसको महाधिवेशनस्थल भृकुटीमण्डपमा कांग्रेस कार्यकर्ताहरू नाचगान गर्दै बसेका छन्।
कांग्रेसको जारी विशेष महाधिवेशन लम्बिएको छ। दुई दिनमै सक्ने लक्ष्य लिए पनि देउवा पक्ष र विशेष महाधिवेशन पक्षको विवादले महाधिवेशन समय लम्बिएको हो।
आज बेलुकी ८ बजेदेखि राति ११ बजेसम्म मतदानको समय तोकिएको छ। बिहान ११ बजे नै मनोनयन दर्ता सम्पन्न भए पनि त्यसपछिको निर्वाचन कार्यक्रम निर्धारण भएको थिएन।
मतदान ढिलो हुने भएसँगै पार्टीको गीत–संगीतमा कार्यकर्ताहरू झुम्दै देखिएका हुन्।
देशभरबाट आएका प्रतिनिधि तथा कार्यकर्ताहरूले पार्टीप्रति उत्साह र एकताको सन्देश दिन नाचगानलाई माध्यम बनाएका थिए।
कार्यकर्ताहरूले महाधिवेशन सफलताको कामना गर्दै पार्टीलाई थप सुदृढ बनाउने प्रतिबद्धता व्यक्त गरेका छन्।
सभापति पदका लागि गगन थापाको मात्र उम्मेदवारी परेको छ।
सहमहामन्त्रीका लागि बहादुरसिंह लामाले उम्मेदवारी दिएका छन्। उनी बागमती प्रदेशका पूर्वमुख्यमन्त्री हुन्।
कांग्रेसका दुई महामन्त्रीमा गुरूराज घिमिरे र प्रदीप पौडेलको उम्मेदवारी परेको छ। दुई उपसभापतिमध्ये एकमा फरमुल्लाह मन्सुरको उम्मेदवारी परेको छ।
कांग्रेसमा एक सभापति, दुई उपसभापति र दुई महामन्त्री निर्वाचित गर्नेछ। त्यस्तै, महाधिवेशनले ८ सहमहामन्त्रीसमेत निर्वाचित गर्नेछ।
तस्बिरहरू:
-1768401175.jpg)
-1768401175.jpg)
-1768401175.jpg)
-1768401174.jpg)
-1768401173.jpg)
-1768401172.jpg)
-1768401173.jpg)
-1768401173.jpg)
-1768401174.jpg)
-1768401173.jpg)
-1768401171.jpg)
-1768401171.jpg)
-1768401172.jpg)
-1746009348.jpg)
