दाङमा मंगलबार दलहरुले उल्लासपूर्ण रुपमा मनोनयन दर्ता गराएका छन्। दलहरुले झाँकी जुलुससहित नाचगानसहित मनोनयन दर्ता गराए।
मतदातालाई आकर्षित गर्न र आफ्नो पक्षको माहोल प्रदर्शन गर्न सबैले सक्दो प्रयास गरेको देखिन्थ्यो।
फागुन २१ गते हुने निर्वाचनका लागि उम्मेदवारी दर्ता गराएका नेता र उनीहरूका कार्यकर्ताले आफूहरूको जित सुनिश्चित रहेको दाबी गरे।
दाङ क्षेत्र नम्बर ३ मा नयाँ पुराना दलका अधिकांस उम्मेदवारले पहिले जस्तै यो पटक पनि बाटो, पुल र अस्पतालको विकासदेखि दाङको एक मात्रै एयरपोर्ट टरिगाउँमा एयरपोर्ट विस्तार गर्नु नै आफूहरूको प्रमुख एजेण्डा रहेको बताए।
दाङ ३ का उम्मेदवारका प्रमुख नारा ‘एयरपोर्ट’
नेपाली कांग्रेसका उम्मेदवार दीपक गिरीले मुलुकको लोकतन्त्र र राष्ट्रियतालाई बलियो बनाउन आफ्नो उम्मेदवारी भएको बताए।
गिरीले आफूले पश्चिम दाङको विकासका लागि धेरै नै महत्वपूर्ण भूमिका खेलेको बताउँदै थप विकास र निर्माणका लागि भूमिका खेल्ने बताए।
‘पश्चिम दाङलाई एउटा कर्णाली पनि भनिन्थ्यो मैले त्यसमा धेरै सुधार गर्दै आएको छु,’ उनले भने, ‘अझैं त्यसलाई थप विकसित बनाउनुपर्ने छ। म त्यसमा लाग्नेछु।’
बाटा घाटादेखि तुलसीपुरको एयरपोर्ट विस्तार तथा निर्माण आफ्नो मुख्य लक्ष्य भएको उनले बताए।
नौ महिना मन्त्री बन्दा आफ्नो क्षेत्रमा कृषीको विकास लागि दर्जनौं सिँचाइका काम गरेको, खोला नाला तथा नदीमा तटबन्ध गराइ किसानको जग्गा जमिन जोगाएको, विभिन्न नदी तथा खोलामा पुलहरू निर्माण गरेकोबताए। उनले उद्यमशीलता र रोजगारी सृजना गरि युवालाई स्वदेशमै रोक्न प्रयास गरिने बताए। गिरी यसअघि पनि सोही क्षेत्रबाट निर्वाचित भएका थिए।
नेकपा (एमाले) का उम्मेदवार घनश्याम पाण्डेले नेपालको संविधानको रक्षा, राष्ट्रियताको रक्षा र संवृद्धिको लागि आफ्नो उम्मेदवारी भएको बताए।
दाङको विकासका साथै किसानको हकहित स्थापित गर्न आफूले उम्मेदवारी दिएको उनको भनाइ छ।
पाण्डेले युवा उद्यमशीलताको विकास र युवालाई स्वदेशमै रोक्न स्वरोजगारी सृजना गरिने बताए। अरूलेझैं उनले पनि मुख्य एजेन्डका रूपमा तुलसीपुरको टरिगाउँ विमानस्थलको विकासमा जोड दिने बताए।
दाङलाई शिक्षा र स्वास्थ्य क्षेत्रको हब बनाउने गरि विकास गर्ने योजना सुनाए।
नेपाली कम्युनिष्ट पार्टीका उम्मेदवार धनबहादुर मास्कीले दाङलाई पर्यटकीय गनतब्यको सगुम र शान्तिपूर्ण बनाउन आफूले भूमिका खेल्ने बताए।
लुम्बिनीको पूर्व अर्थमन्त्री रहेका मास्किले तुलसीपुरलाई सुन्दर सहर बनाउने, तुलसीपुरको टरिगाउँ एयरपोर्ट, यहाँको स्वास्थ्य, खोलामा हाइड्याम निर्माण गर्ने एजेन्डा रहेको सुनाए।
नेपाल कम्युनिष्ट पार्टी (माओवादी) तर्फबाट उम्मेदवारी दर्ता गराएका पोलिटब्यूरो सदस्य बलबहादुर वली (सितल) ले देश जोगाउन आफ्नो आवश्यकता रहेको बताए।
सबै राजनीतिक दलले नेपालको विकास निर्माणको गुलिया नारा मात्रै लगाउने गरेको तर काम नभएको आरोप लगाए।
उनले युवालाई स्वदेशमै रोजगारी सृजना गर्न र देशलाई समाजवादमा लैजानुपर्ने आवश्यकता रहेको बताए।
विकास निर्माण, बाटो घाटोको थप राम्रो बनाउनुका साथै तुलसीपुरका टरिगाउँ एयरपोर्टका विकास गर्न आफूले ध्यान दिने उनको भनाइ छ।
राष्ट्रिय प्रजातन्त्र पार्टीका उम्मेदवार दामोदर भण्डारीले पनि संघीय गणतन्त्रविरुद्धको व्यवस्था परिवर्तन गर्नका लागि आफ्नो उम्मेदवारी भएको बताए।
विभिन्न प्रलोभनमा पारी ३६ वर्षदेखि एयरपोर्ट नबनेको र तुलसीपुर घोराहीको बाटो अहिलेसम्म नबनेको हुँदा जित हासिल गरे ती बनाउन पहल गर्ने बताए। २०७० सालमा नयाँ पार्टी गठन गरेपछि बिप्लव नेतृत्वको माओवादीले पहिलो पटक संसदीय निर्वाचन रोजेको हो।
उम्मेदवारी दिएपछि नेसनल रिपब्लिकन नेपालका तिर्तम चौधरीले आफूले जितेपछि लत्तपत्त अवस्थाको कानुन परिवर्तन गरि प्रत्यक्ष निर्वाचित कार्यकारीको व्यवस्था गर्ने बताए।
राष्ट्रिय स्वतन्त्र पार्टीका उम्मेदवार कमल सुबेदीले सुशासन र डेलिभरीका लागि आफूलाई मतदान गर्न आग्रह गरे।
उनले बालेनलाई प्रधानमन्त्री बनाउन घन्टीमा मतदान गर्न आग्रह गरे।
दाङ– ३ मा बिगत ३५ वर्षदेखि प्रतिनिधिहरूले गर्न नसकेको तथा बाँकी राखेको कामहरू पूरा गर्न आफूले जितेपछि भूमिका खेल्ने बताए।
युवालाई प्रविधिमैत्री बनाउने, उद्यमशील बनाउने तथा रोजगारी सृजना गर्ने कुरा गरे।
केही दिनमै स्थानीय विकासका वाचा पत्र सार्वजनिक गरिने जानकारी दिए। सुबेदी अघिल्लो निर्वाचनमा पनि राश्वपाका उम्मेदवार थिए।
-1768920657.jpg)
-1768920655.jpg)
-1768920655.jpg)
-1768920653.jpg)
-1768920654.jpg)
-1768920653.jpg)
-1768920653.jpg)
-1768920657.jpg)
-1746009348.jpg)
