रूपन्देही क्षेत्र नम्बर ३ मा राष्ट्रिय स्वतन्त्र पार्टी (रास्वपा) का जितबहादुर (जेबी) गुप्ताले बागी उम्मेदवार दिएका छन्।
२०७९ सालको निर्वाचनमा रास्वपाबाट यही क्षेत्रमा उम्मेदवारी दिएका गुप्ताले यस पटक पार्टीले डा. लेखजंग थापालाई टिकट दिएपछि स्वतन्त्र रूपमा उम्मेदवारी दिएका हुन्।
गुप्ताले पार्टी कमजोर रहेका बेला र साथ दिने कोही नहुँदा आफूले उम्मेदवारी दिएर पार्टीको साख जोगाएको उल्लेख गर्दै अहिले संगठन बनिसकेपछि भने पार्टीले बाहिर धकेलिदिएको बताएका छन्।
विगतमा आफ्नो पेसा र परिवारको समय समेत त्यागेर पार्टीको संठन विस्तारमा हिँडेको उल्लेख गर्दै अहिले पार्टी बलियो बन्दै गएपछि भने अवसरका लागि धेरै अनुहार देखा परेको बताए।
उनले पैसा र पहुँच हुनेहरूले अवसर पाउने भन्दै आफूसँग पैसा र पहुँच नभएकाले पार्टीले उम्मेदवार नपत्याएको आरोप लगाएका छन्।
'जसले बीउ रोप्यो उसैलाई मरूभूमिमा पुर्याइयो, मेरो अपराध यत्ति मात्र हो मसँग पैसा थिएन, पहुँच थिएन तर जनताको अदालतमा न्यायको लागि आएको छु,' उनले सामाजिक सञ्जालमा लेखेका छन्।
-1746009348.jpg)
