काठमाडौं निर्वाचन क्षेत्र नम्बर ४ का राष्ट्रिय प्रजातन्त्र पार्टीका उम्मेदवार तथा वरिष्ठ अधिवक्ता सुरेन्द्र भण्डारीलाई निर्वाचन आयोगले स्पष्टीकरण सोधेको छ।
भण्डारीलाई निर्वाचन आचारसंहिता उल्लंघन गरेको आरोपमा स्पष्टीकरण सोधिएको हो।
भण्डारीले निर्वाचन आचारसंहिता, २०८२ को दफा ४ को खण्ड (च) विपरीत लैंगिक तथा यौनिक अल्पसङ्ख्यक समुदाय लक्षित घृणित अभिव्यक्ति दिएको र समाजमा भ्रम फैलाएको भन्दै परेको उजुरीका आधारमा सोधपुछ गरिएको हो।
आयोगले पठाएको पत्रमा ज्येष्ठ नागरिक, महिला, यौनिक अल्पसङ्ख्यक समुदाय तथा अपांगता भएका व्यक्तिको भावना र चरित्रमा आँच पुग्ने गरी निर्वाचन प्रचारप्रसार गर्न नपाइने कानूनी व्यवस्था स्मरण गराउँदै, उक्त अभिव्यक्ति आचारसंहिता विपरीत हो वा होइन भन्ने विषयमा स्पष्ट जबाफ माग गरेको छ।
पत्र प्राप्त भएको मितिले ३ दिनभित्र स्पष्टीकरण पेस गर्न आयोगले निर्देशन दिएको छ।
-1746009348.jpg)
