चितवन क्षेत्र नम्बर ३ बाट राष्ट्रिय स्वतन्त्र पार्टीकी सोबिता गौतम निर्वाचित भएकी छन्।
उनले ५९ हजार २७७ मत प्राप्त गरेर निर्वाचित भएकी हुन्।
गौतम र निकटतम प्रतिद्वन्द्वी नेपाली कम्युनिष्ट पार्टीकी रेनु दाहालबीचको मतान्तर ३८ हजार ६२२ छ।
दाहालले २० हजार ६१५ मत प्राप्त गरेकी थिइन्।
गौतम २०७९ मा भएको प्रतिनिधिसभाको निर्वाचनमा काठमाडौं-२ बाट निर्वाचित भएकी थिइन्।
दाहाल भरतपुर महानगरको मेयर पदमा २ पटक निर्वाचित भएकी थिइन्। मेयर पदबाट राजीनामा दिएर प्रतिनिधिसभा सदस्य पदमा प्रतिष्पर्धा गरेकी दाहाल गौतमसँग ठूलो मतान्तरले पराजित भइन्।
यो क्षेत्रबाट गत निर्वाचनमा राप्रपाका विक्रम पाण्डे निर्वाचित भएका थिए। अहिले राप्रपाका उम्मेदवार दीपक थापाले यहाँबाट १ हजार २२६ मात्रै मत प्राप्त गरे।
नेपाली कांग्रेसका टेकप्रसाद गुरुङले ८ हजार ३४४ र नेकपा एमालेका शंकर थपलियाले ५ हजार ४ मत प्राप्त गरे।
-1746009348.jpg)
