नेपाली कांग्रेसका उपसभापति विश्वप्रकाश शर्माले सभापति गगन थापाले पदबाट दिएको राजीनामा अस्वीकृत गर्ने प्रस्ताव केन्द्रीय समिति बैठकमा पेस हुने बताएका छन्।
कांग्रेस केन्द्रीय कार्यसमिति बैठक भोलि दिउँसो १ बजे केन्द्रीय कार्यालय सानेपामा बस्दैछ।
सभापति थापाले उपसभापति शर्मासमक्ष बुधबार राजीनामा बुझाएका थिए।
फागुन २१ को निर्वाचनमा भएको पराजयको जिम्मेवारी लिँदै सभापति थापाले पदबाट राजीनामा दिएका थिए।
केन्द्रीय कार्यसमिति बैठकको पूर्वसन्ध्यामा सामाजिक सञ्जाल एक्समा लेख्दै उपसभापति शर्माले सभापति थापाले बुझाएको राजीनामाबारे केन्द्रीय समितिमा छलफल हुने बताएका छन्।
‘नैतिक जिम्मा लिन्छु भन्नु सकारात्मकl तर यतिबेलाको प्रधान नैतिक दायित्व स्थिति सम्हाल्ने दायित्व हो,’ उपसभापति शर्माको भनाइ छ, ‘बैठकमा प्रारम्भीक समीक्षा, राजीनामा पत्र र राजीनामा अस्वीकृत गर्ने प्रस्ताव पेस हुनेछl डढेलो निभाउन पुगेको व्यक्तिलाई आगलागीकै दोष बोकाउनु न्यायसंगत हुँदैन।’
कांग्रेसले प्रत्यक्ष र समानुपातिक गरी ३८ सिट जितेको थियो।
यो पनि: सभापतिबाट राजीनामा दिँदा के लेखे गगन थापाले?
-1746009348.jpg)
