सरकारले संविधान संशोधनका लागि बहस पत्र तयार गर्न प्रधानमन्त्री बालेन शाहका राजनीतिक सल्लाहकारको नेतृत्वमा संसदमा रहेका सबै दलको प्रतिनिधित्व रहने गरी कार्यदल गठन गर्ने निर्णय गरेको छ।
सरकारका प्रवक्ता सस्मित पोखरेलका अनुसार आज बसेको मन्त्रिपरिषद् बैठकले राष्ट्रिय स्वतन्त्र पार्टीको वाचापत्र अनुरूप संवधान संशोधनका लागि बहस पत्र तयार गर्न लागिएको बताए। उनले संविधान संशोधनका लागि सबै दलको सहमति आवश्यक हुने उल्लेख गरे।
साथै प्रधानमन्त्रीको राजनीतिक सल्लाहकारमा असिम शाह नियुक्त भएका छन्। उनी प्रतिनिधि सभाका पूर्वसांसद समेत हुन्।
‘राजनितिक सल्लाहकारको अध्यक्षतामा रहने कार्यदलमा संसदमा प्रतिनिधित्व गर्ने सबै दलको प्रतिनिधि रहनुहुन्छ’, पोखरेलले मन्त्रिपरिषद्को निर्णय सार्वजनिक गर्दै भने, ‘राष्ट्रिय सहमतिमा संविधान संशोधनका लागि बहसपत्र तयार हुन्छ।’
-1746009348.jpg)
