संवैधानिक परिषदको बैठक बस्ने भएको छ।
प्रधानमन्त्री तथा मन्त्रिपरिषद् कार्यालयमा बेलुकी ५ बजे बैठक बस्ने भएको हाे।
बैठकमा संवैधानिक निकायकाे रिक्त पदहरूमा नियुक्ति सिफारिस सम्बन्धी छलफल गर्न आफूलाई बोलाइएको प्रमुख प्रतिपक्षी दलका नेता तथा कांग्रेस संसदीय दलका नेता भीष्मराज आङ्देम्बेले जानकारी दिए।
हाल निर्वाचन आयोगमा अध्यक्षसहित दुई पद, राष्ट्रिय मानवअधिकार आयोगमा सदस्यको एक पद र मुस्लिम आयोगमा अध्यक्षसहित दुई पद रिक्त छन्।
राष्ट्रिय समावेशी आयोग अध्यक्षसहित दुई पद रिक्त छ। अख्तियार दुरूपयोग अनुसन्धान आयोगमा एक पद रिक्त छ।
थारू आयोगमा अध्यक्षसहित दुई र मधेसी आयोगमा पनि अध्यक्षसहित दुई पद रिक्त छन्। राष्ट्रिय प्रकृति सोत तथा वित्त आयोगमा अध्यक्षसहित तीन पद रिक्त छन्। महिला आयोगमा एक सदस्य पद खाली छ।
