प्रमुख प्रतिपक्षी दल नेपाली कांग्रेसका सांसद अर्जुननरसिंह केसीले जेनजीले परिकल्पना गरेको समाज र देश बन्यो कि बनेन भनेर गम्भीर हुनुपर्ने बताएका छन्।
प्रतिनिधि सभा बैठकमा बोल्दै सांसद केसीले गत वर्ष जेनजीले गरेको आन्दोलनको जुन परिकल्पना थियो त्यो पूरा भयो कि भएन गम्भीर हुनुपर्ने बताएका हुन्।
'सरकार परिवर्तनको मात्रै कुरा थिएन। संस्कार परिवर्तनको निम्ति, सरकारको शैली परिवर्तनको निम्ति थियो। सुशासनको निम्ति थियो विधिविहीनता र दण्डविहीनताको अन्त्यको निम्ति थियो,' उनले भने।
'जेनजी सहिदहरूले परिकल्पना गरेको समाज र राज्य थियो। त्यो वास्तविक रूपले हामीले निर्माण गर्न सकेको छ कि छैनौं? त्यतातिर गम्भीर हुनुपर्छ,' उनले अगाडि भने।
कांग्रेस यत्रो ठूलो जनविश्वास बोकेको सरकार सफल होस् भन्ने सधैँ कामना गरेको पनि बताए।
धेरै कुराहरूको हाहाकारको अवस्थामा प्राकृतिक विपत्तिले सबैलाई एकाकार बनाएको पनि उनले बताए।
'फेरि पनि एकै ठाउँमा प्रथम समस्यालाई समाधान गर्न आवश्यक छ,' उनले भने।
-1746009348.jpg)
