जेनजी अभियानी तथा कानुनका विद्यार्थी माजिद अन्सारीले पूर्वप्रधान न्यायाधीश चोलेन्द्र शमशेर जबरालाई सुरक्षा थ्रेटका नाममा नियन्त्रणमा लिइएको घटनामा प्रश्न गरेका छन्।
आइतबार दिउँसो सामाजिक सञ्जालमार्फत उनले कुनै दिन प्रधानमन्त्री वा गृहमन्त्रीलाई थ्रेट भए चौकी लगेर राख्ने हो? भनेर प्रश्न गरेका हुन्।
‘को हो त्यस्तो नालायक जेन-जी? पूर्वप्रधान न्यायाधीशलाई थ्रेट दिने त्यस्तो जेन-जी कहिले सम्म पक्राउ पर्छ? आफ्नो असक्षमता लुकाउन कहिलेसम्म जेन-जी लाई बद्नाम गर्नुहुन्छ? भोलि प्रधानमन्त्री बालेन्द्र शाह र गृहमन्त्री सुधन गुरूङलाई नै जेन-जी वा जेन-जीको दादाहरूबाट सुरक्षा थ्रेट होला, के अब त्यस्ता जेन-जी वा जेन-जीको दादाहरूलाई पक्राउ गर्नुको सट्टा प्रधानमन्त्री बालेन्द्र शाह र गृहमन्त्री सुधन गुरुङ प्रहरी चौकीमा लगेर थुनेर राख्ने हो? सुरक्षा दिन नसक्ने भए कुन नैतिकताको आधारमा गृहमन्त्रालमा कुन नाटक नौटंकी गर्दै बस्नु भएको हो?,’ उनले प्रश्न गरेका छन्?
उनले पूर्वप्रधानमन्त्री केपी शर्मा ओलीलाई त थ्रेट नभएको अवस्थामा पूर्वप्रधानन्यायाधीश जबरालाई कसरी भयो भनेर प्रश्न गरेका छन्। साथै, यसरी थ्रेट दिने अहिलेसम्म किन पक्राउ नगरेको भनेर पनि सोधेका छन्।
‘नेपाल सरकारले नै उपलब्ध गराएको दर्जनौं सुरक्षाकर्मीको सुरक्षा घेराभित्र रहेका पूर्वप्रधानन्यायाधीशलाई नै सुरक्षा थ्रेट दिन सक्ने डन होकी दादा जेन-जी अहिले सम्म पक्राउ किन परेन? पूर्वप्रधान न्यायाधीशलाई कुन जेन-जी बाट थ्रेट छ? हामीलाई जवाफ चाहिन्छ? आफू म जेन-जीको दादा जेन-जी को नेता भएकोले राम्रो मन्त्रालय चाहिन्छ भनेर जेन-जी शहीद परिवार र घाइतेहरूको सिँढी चढेर सरकारमा जाने अहिले उही जेन-जीलाई बद्नाम गर्ने?,’ उनले भनेका छन्।
आइतबार मध्यराति काठमाडौं उपत्यका अपराध अनुसन्धान कार्यालयका डिएसपीको नेतृत्वमा प्रहरी परिचालन भएको थियो। करिब ३ बजेतिर प्रहरीले उनलाई सुरक्षा थ्रेटको नाममा नियन्त्रणमा लिएर कार्यालयमा ल्याएको थियो। प्रहरीले उनलाई पक्राउ नगरिएको बताएको थियो।
१० घण्टा कार्यालयमा राखेपछि उनलाई कार्यालयले परिवारको जम्मामा छाडेको हो। यो घटनालाई लिएर अहिले सरकारको चौतर्फी आलोचना भइरहेको छ।
-1778757152.jpg)
-1788334994.jpg)
-1746513231.jpg)
