नेपाली कांग्रेसका नेतासमेत रहेका पूर्वगृहमन्त्री रमेश लेखकले नेपाली कांग्रेस विभाजन भएको र यसलाई लुकाउनुपर्ने अवस्था नरहेको बताएका छन्।
बुधबार कञ्चनपुर जिल्ला अधिवेशनमा बोल्दै लेखकले अहिले कांग्रेसका नाममा दुई संगठन रहेको बताए। गगन थापा नेतृत्चको कांग्रेसले १५ औं महाधिवेशन गरिसकेको र शेरबहादुर देउवा पक्ष मंसिर २१ देखि २३ गतेसम्म महाधिवेशन तयारीमा रहेकोतर्फ उनले संकेत गरेका हुन्।
‘नेपाली कांग्रेस विभाजित छ, दुई वटा संगठन छ, दुई वटा पार्टी भएको अवस्था छ, त्यसमा लुकाउनुपर्ने केही छैन,’ लेखकले भने, ‘कांग्रेसको आत्मा, विचार र भावना भने यहीँ छ।’
उनले सहमतिका साथ नेतृत्व चयन गर्दा केही नेता कार्यकर्ताहरू छुट्न पुगेको पनि बताएका थिए।
पार्टी एक गर्नका लागि दुई वटा महाधिवेशन रोकेर संवाद गर्न आफूहरूले पहल गरे पनि त्यो पूरा हुन नसकेको उनले बताए।